basic 101 · فطور او ريوق · فطور رمضان و ريوق و سفرات كاملة · مونه · وصفات صحيه قليله السعرات او الدهون وتصلح للرجيم · حلويات · خطوة بخطوة

مربى فراوله منخفض السعرات الحراريه

الحين  الفراوله تشوفونها بكل مكان باسعار رخيصه جدا….اخذو كميات وثلجوها حق السموذي او تقدرون تسوون فيها سوربيه او تسونها مربى
كقاعده في المربيات وزن الفاكهه يساوي كميه السكر  اللي تنطبخ فيه… الفراوله عاده تكون اقل في بعض الوصفات يعني على كل كيلو فراوله  يقابلها نص الى ثلاث ارباع الكيلو
كنت اسوي طريقه العاديه واخذتها من ام ناصر om naser_64 ووصفاتها صراحه 100% وكل مربياتي تطلع عجيبه
انتو بس سوو سيرج مربى ام ناصر وبتطلع عده مربيات مثل مربى الكيوي ومربى الكرز ومربى الفراوله ومربى المشمش انا جربتهم كلهم عدا الكيوي
هالمربى سريييييع وسهل بتخلصونه من البدايه لي النهايه باقل من نص ساعه و كميه السكر فيها شويه مقارنه بالمربى العادي والسعرات بيكون اقل من النص :>… ومرح تحسون باي فرق بالطعم  عصير الليمون اساسي لانه رح يكون الماده الحافظه والسبب عشان ما يتبلور الشكر اذا بتسون كميه صغيره ومتاكدين انها بتظل اسبوع او اقل تقدرون تستغنون عن عصير الليمون بالوصفه
الكميه كلها راهيه بتشوفونها بالصوره وتقريبا طلعت الكميه كلها 1100 كالوري بينما كيلو الشكر بروحه  1733 كالوري وعليكم الحساب

المقادير:
كيلو فراوله
كوب سكر ( ولتقليل السعرات ممكن استخدام المحليات الصناعيه خاليه السعرات )
قشر ربع ليمونه
قفشه كبيره عصير ليمون
الطريقة:
نغسل الفراوله ونشيل العنق الاخضر
نضيف الشكر فوق الفراوله ونخلطها عدل ونتركها 5 دقايق
بتشوفون ان الفراوله نزلت كميه عصير تاكدو ان الشكر كله ذاب بالعصير  وضيفو قشر الليمون وهرسوها بالشوكه او باداه الماش بوتاتو وهني بحسب رغبتكم بسمك المربى اذا تحبونها ناعمه او محببه انا خليت الفراوله كامله وفرمت جزء منها
نحطها على نار قويه بجدر او مقله ستينلستيل ونتركها لين تبتقبق على النار ونشيل الفوم اللي يطلع عليها ونخفف النار نخليها حراره متوسطه
نضيف عصير الليمون ونخليها لين توصل لي السمك اللي تحبونه ( انا خذت مني تقريبا 10 دقايق )
نتركها لين تبرد ونحطها ببرطمانات معقمه  واكلوها بالف هنا وشفا
ملاحظه : البرطمانات تعقمونهم بماي مغلي وتاكدون انها ناشفه تماما قبل لا تحطون المربى لان اي نقطه ماي ممكن تخمر المربى واذا تحبون تقدرون تثلجون المربى بالفريزر وبعدين تطلعونها وتستخدمونها في صلصات الحلويات او تذوبونها مع شوي ماي وتحشون فيها الدونت او تحطونها فوق الايسكريم :>
20121228_180430 IMG_20121228_161514 20121228_162839 20121228_164731 20121228_171046
Advertisements

8 thoughts on “مربى فراوله منخفض السعرات الحراريه

  1. Her ***** اول شي حياج الله ببوستي وانا من المتابعه لموقعكم من بعد :> الله يسلمج من كل شر وبالنسبه لسؤالج المربى طول ما تكون بالثلاجه والقفشه اللي نستخدمها معاها ناشفه مافيها ماي بتطول معاج بالنسبه للصلاحيه والله مادري اني غالبا لما اسوي مربى اوزعه على الحبايب واخلي كميه بسيطه فما يطول عندي :>…بس اتوقع اقل من 6 شهور اذا مو مبطل لان ما فيه مواد حافظه غير الليمون وتركيز الشكر فيه مو عالي عموما سويت لج سيرج وحصلت هاللينك يقول ممكن يقعد لي سنه… واذا تبطل يقعد اكثر من شهر بالثلاجه :> http://www.uga.edu/nchfp/questions/FAQ_jellied.html#7

  2. ميش بوتاتو؟شخباااااررري منو يسوي ميش الحين:)ماش بو تاتو …فشلتيناP:

  3. بالنسبة للوصفة أعتقد ان ينقصها مادة البكتين اللازمة للمربيات (ماعدا مربة البرتقال لان مادة البكتين موجودة بحبوب البرتقال). اذا ماحطيتي مادة البكتين في مربة الفراولة يكون أسمها بالانجليزي compote وليس Jam . للاسف مايبيعون في الكويت مادة البكتين بس يمكن شراءها من النت وهذا اللي سويته لما نويت أسوي مربة أفندي .

  4. شكرا للاضافه القيمهانا عاده اسوي المربيات من غير ما اضيف لها البكتين بس اعتقد انها موجوده بقشر وعصير الليمون صح ؟:)الكومبوت عاده اسويه اطبخ شيره خفيفه واضيف لها الفاكهه وخلاصشكرا لتعديل المسميات :>

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s