سكالوب الدجاج بصلصه الليمون

 
 
 طعمها نفس دياي بصلصه الليمون بمطعم سبارو … خليت الصلصه على جنب وكل من يحط بالكميه اللي يرغب فيها
 
الاعشاب اللي ضفتها زعتر thyme واعشاب بروفونس ( عباره عن لافندر وروزماي  وحبه حلوه وشي بس مادري شنو  …. انصحكم تاخذون الاعشاب المجففه من دين اند دلوكا  انا اخذ العلب الصغيره عشان لا تطول معاي وتروح نكهتها
 
 
 
المقادير:
 
4 فيليه دجاج كبير انصحكم تاخذون حجم كبير
ملح
فلفل اسود
رشتين اعشاب الزعتر المجففه
رشتين من اعشاب بروفونس
بهار دجاج وانا استخدمت من ماركه اسناد
بقسماط
بيض
طحين
زبده ملعقتين كبار
زيت ملعقتين كبار
نص ملعقه صغيره طحين اواكثر 
ليمونه مقطعه حلقات ومنزوع البذر منها
عصير ليمون 
نص مكعب دياي مذوب بماي
 
الطريقة:
نرش الفلفل الاسود على الطحين والبقسماط والبيض
نرش البهار والزعتر على الطحين والبقسماط
نرش الاعشاب على البقسماط
نقطع الفيليه بالنص وبعدين نخفف سمكها   بمطرقه المطبخ 
نرشها بملح وفلفل اسود وبعدين نغلفها بالطحين والبيض ونكررها مرتين وبعدين نغمسها بالبقسماط ونضغط عليها عشان تتغطى كلها 
نسخن زيت الزيتون والزبده ونقلي فيهم الدياي  بالجهتين ونحطهم على ورق نشاف عشان نتخلص من الزيت
بباجي الزيت الموجود نضيف الطحين وعصير الليمون والمرق وشرايح الليمون ونتركها لين تتكثف الصلصه بالسمك المرغوب وتقدم حالا مع باستا مسلوقه او خضار سوتيه او بطاط مقلي وبالف عافيه :>

3 thoughts on “سكالوب الدجاج بصلصه الليمون

  1. يقول طز بالرجالة:

    اوكي بجربها و اقول لجبس تعالي ليش تكررين نفسج هني؟طحينطحينبقسماطبقسماطاكيد كنتي يوعانه

  2. يقول bent el deera:

    عليج بالعافيه مقدماوتصدقين ما انتبهت …. ومع اني دوم يوعانه هههه بس الدياي ما باكلوش خالص مالصالحين اعدله :***ثانكس

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s