blueberry almond muffins …. مافن التوت البري الصحي


مافن صحي ومتروس الياف وفيه بلوبيري والتوب ماله مقرمش من الشكر واللوز وفوق كل هذا الحبه تطلع بحدود 122 كالوري بس  (( انا لما حسبتها  من غير خلطه التوب طلعت عندي 116.5 لاني ما حطيت كل كميه الشكر واللوز بالوصفه ))   يعني اقل من كوب عصير اناناس

بس الاهم من كل هذا …لذيييذ >>>>> loody هالوصفه اهداء خاص:>

الوصفه اخذتها من موقع my recipes  وكانت موجوده بمجله cooking light  بالمناسيه هذي خوش مجله انصحكم فيها 
الوصفه اخذتها مثل ما اهي بس زدتها ربع كوب بلوبيري بالويه عشان شكلها يشوق اكثر… الكميه اللي سويتها بالنص المفروض تطلع 15 حبه  بس انا طلعت عندي 12 … وانا اسويها غلطت  بالمقاييس بالبيكربونات بدال نص قفشه صغيره حطيت قفشه صغيره كامله بس النتيجه طلعت حلوه … في ملاحظه احب اذكرها كل الوصفات اللي قريتها عن المافن تاكد على نقطه ان الخلط ما يكون وايد
تقدرون تضيفون لها عسل اذا تحبونها حاليه وايد او تقدمونها مع روب وتوت  على الويه او بروحها مع قهوه …جربوها وان شاء الله تعجبكم …والحلو فيها انكم تقدرون تسونها وتثلجونها لمده شهر كامل وتسخنونه وقت اللي تحبون … بالنسبه لي ما ثلجت بس هالشي مذكور بالوصفه
المقادير :
3/4 كوب طحين عادي وانا استخدمت الفاخر
1/2 كوب طحين اسمر
1/2 كوب شوفان كويكر او العلالي او اي نوع 
1/2 كوب شكر اسمر
1/2 قفشه كبيره بيكنغ باودر
1 قفشه صغيره بيكربونات الصوديوم
رشه ملح
كوب روب قليل الدسم 
1/2 كوب حليب نص دسم
1 و 1/2  قفشه كبيره زيت كانولا
قفشه صغيره فانيلا … انا حطيت اكثر
بيضه الحجم العادي
كوب بلوبيري فرش

خلطه  الويه :
قفشتين كبار طحين ابيض
قفشتين كبار لوز مقطع حسب الرغبه
نص قفشه كبيره شكر اسمر
نص قفشه كبيره زبده مذوبه 

الطريقة :
نسخن الفرن  200 ونحط الرف بالوسط… نخلط مقادير اللوز
نرش القوالب اللي عندنا بالسبري واذا استخدمتو السيلكون ماله داعي ونحط البليسيه اذا حبيتو تقدمونه فيهم
نخلط المواد الجافه مع بعض ( الطحين الابيض والطحين الاسمر والشوفان والملح والشكر الاسمر والبيكربونات والبيكنج بودر )
نخفق المواد السائله مع بعض ( البيض والروب والحليب والفانيلا والزيت)
نسوي حفره بوسط الخليط الجاف ونصب الخليط السائل ونخلطهم مع بعض… وانتو تخلطون عدو من الواحد لي ال10 واوقفو  (( لا تضحكون انا سويت جذي هههه ))
اخر شي نضيف 3/4 كوب بلوبيري ونمزجه معاهم  نضيف حوالي قفشتين كبار بالقوالب ونحط جم حبه بلوبيري على الويه  ونرش مقادير الويه ودخلو الفرن من ربع لي نص ساعه وبعدين نطرو يبرد شوي واكلوه فاتر او حار وبالف عافيه

14 thoughts on “blueberry almond muffins …. مافن التوت البري الصحي

  1. يقول chandal/danchal!!:

    عليج بألف عافية:)تعرفين شنو استاثمتي فيني بهالعصرية؟اموت على البلو بيري مافن… ولوز مبشور فوق البيعة يا سلام سلمطبعا وحدة كسلانة مثلي مستحيل اسويها وآخذها باردة مبردة من دين اند ديلوكا لأن مالتهم مسكتة… بس شكل وصفتج تشيخ عليهمالحين مشتهيتها مع قهوة, شالدبرة؟

  2. يقول bent el deera:

    حبيبتي والله ما طلبتي شيءقوليلي وين تبينهم والحين أسوي لج باتش يديد وأطرشه لج أنا بعد أحب البلوبيري وايد … شوقتيني أجرب اللي بدين اند دالوكاز هالمافن حلو والتكسجر ماله غير شوي عن المافن العادي بس طعمه وايد حلو وحلاته مو زايده والله جد قوليلي وين والحين أروح سلطانو سنتر بيتي الثاني أخذ لج بلوبيري وأسويه🙂

  3. يقول chandal/danchal!!:

    عسى عمرج طويل, ما تقصريناتغشمر معاج ما تاخديش في بالك.. بس تدرين هالحزة الكريفنق حق السويــت يكون بالعلالي وبوستك يا بوقته:)تسلمين حبيبتي ما ننحرمش:)

  4. يقول Sn3a:

    Plz start home business;sتسلم ايدج بصراحه كل شي تسوينه يشوقحتى السي فود اللي ما اكله يشوق

  5. يقول طز بالرجالة:

    يا حلوةليش تخونيني جذيه جدام الامة؟بتسوين حق جندل؟ و انا علبالي انا الوحيدة المدلله عندجطلعتي على حقيقتجقمت اشك انك مو بنت الديرة لأ واحد من رجالة الديرةP:اموووح و تسلم الاياديامس سويت عرايسج؟ تذكرين؟ ايام ما كنت المعجية عطيتيني الوصفة …لذيذة اطلعتامووووووح شكرا من الأعماق بس لا تعودينها ههههه

  6. يقول bent el deera:

    Sn3a *****I SUCK AT BUSINESS :pمشكوووره حبيبتي وعيونج الحلوه :>واذا بغيتي شي معين مالج الا تطلبين واسويله لج من عيوني ويوصلج لي البيت :>

  7. يقول bent el deera:

    طز بالرجالة ************هو انا اقدر اخونج !!!!!!!انتي بمحل النفس :>وعليج الف وستميه عافيه على العرايس :***

  8. يقول هيفاء المسيفر:

    ماشاء الله تبارك الله شي فوووق الوصف الصورة مشهية على الآخرررر تسلم يدج اختي على الوصفات الحلوووة والسهلة

  9. يقول bent el deera:

    عزيزتي هيفاء حياج الله وسعيده جدا بتجولج بالمدونه :)مرورج وتعليقج الأروع وان شاء الله تجربينها وتعجبج ومشكووورة🙂

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s