بفتيك مع نيوكي بصلصه المشروم…

الحين الوصفه ولو بلخص كل الحجي عنها مرح اقول غير
comfort food
النيوكيعباره عن باستا مصنوعه من بطاطا مهروسه ويضيفون لها طحين وبيض وبعض الاحيان جبن ريكوتا… تحصلونها بكارفور ومركز سلطان و لولوماركت وتقدرون تسونها بالبيت سوو سيرج على كلمه gnocchi وبتطلع لكم وايد وصفات 

المرميه الفرش تعطي نكهه حلوه واذا ما حبيتوها تقدرون تستغنون عنها او تستبدولها باي اعشاب
بتلاحظون ان الوصفه دسمه بس لذيذه وصدقوني بتعجب حتى اصعب الاذواق… عندنا بالبيت خلصت بسرعه ومو الكل حصل منها
 
المقادير اللي بكتبها تقريبيه حق شخصين:
*النيوكي:
حبيتين مشروم ابيض العادي مقصص شرايح
حبتين المشروم البني  مقصص شرايح
فص ثوم مفروم واذا تحبون نكهته اكثر زيدوه
3 ورقات صغار مرميه
حبه زبده صغيره
ملح
فلفل اسود
تقريبا خمطتين كبار نيوكي 
شوي من ماي سلق الباستا
كريمه تقربا ربع كوب
جبن بارميزان تقريبا خمطه
 
* البفتيك بالبقسماط:
بفتيك 
بيض
بقسماط
ملح
فلفل اسود
ثوم بورده
بهار
ليمون اسود
طحين
 
الطريقة :
اول شي نخلط رشه من كل البهارات المذكوره ( ثوم وليمون اسود ناعم وفلفل اسود وبهار ) مع كميه من الملح 
ناخذ البفتيك وتطقه بمطرقه المطبخ عشان تفجج الالياف وهم عشان نرققها ( لا تخلونها وايد ضعيفه مرح تحسون بعدين بطعم اللحم )
نرش عليها من الجهتين بخلطه البهار والملح ونخليها تتبل جم ساعه وانا عن نفسي اخليها طول الليل
 
وبعدن نغمسها بالطحين والبيض المخلوط مع الفلفل الاسود واخيرا البقسماط ونخليها بالفريزر عشان تجمد شوي وتقدرون تقلونها مباشره :>
 
الحين نسوي النيوكي نسلق النيوكي مع الماي المغلي المملح حسب الارشادات اللي بالجيس ( النوع اللي اخذته 4 دقايق )… عموما مقدار النضج اول ما ترتفع على ويه الماي تشيلونها 
ونسوي الصلصه نذوب الزبده على النار ونضيف لها الثوم والمرميه واول ما تطقطق المرميه نحط المشروم ونتركه لين يذبل بعدين نضيف ماي سلق الباستا واخر شي نضيف الكريما وجبن البارميزان ونضيف النيوكي ونخلطه شوي ونقدمه مع البفتيك وبالف عافيه
 
اتمنى لكم عطله نهايه اسبوع حلوه وسعيده واتمنى تطبقون هالوصفه وتعجبكم :>

9 thoughts on “بفتيك مع نيوكي بصلصه المشروم…

  1. يقول طز بالرجالة:

    lolامووح بالعكس لنا الشرف نقرا لج و نصلح لج يا حبيهذا النيوكي يقعد على الجبد قعدة مو طبيعيةكم مرة جربته ..لذيذ بس ثقيلبس بالعافيةامس سويت كبة عيشو فشلت فشلا ذريعابس هم اكلتها:)

  2. يقول Crazy Girl in aGood Way:

    تسلم الايادي روووعه سمعت بفتيك وييت ركضعليكم بالعافيه🙂

  3. يقول bent el deera:

    طز بالرجالة************حبيبتي ثانكس مره ثانيه :>وصاجه النيوكي ثقيل عشان جذي خففت الكريمه بماي :>وليش اختربت معاج الكبه؟؟ تفججت بالقلي ؟ ولا ما كانت لذيذه؟؟

  4. يقول طز بالرجالة:

    هلا حبيالمشكلة كانت ان العيش الظاهر كان وايد لينفما مسك معاي ..صار هريس يلصق بالايد:)

  5. يقول bent el deera:

    اي يمكن العيش طبختي وايد او شكلتيه وهو حار لازم تنطرينه يبرد قبل لا تشكلينهجربي حطي معاه بطاطه عشان النشاواذا لزق معاج مره ثانيه ضيفي طحين عيش لين يوصل لي الكثافه اللي تحبينهاالله يردج بالسلامه ان شاء الله ومونه سنه كامله كبب علي :***

  6. يقول طز بالرجالة:

    عسى عيني ما تبجيج يا الغاليةمشكورةسويت كبة بطاط اسهل و حطيت فيها عيش شويسلامات مرة ثانية

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s