تكا السمك

 
 
كان عندي شوي سمج فيليه وحبيت اسوي فيه حركه… الهامور غالبا يكون سميك قطعته صغار عشان يستوي اسرع وحطيت فلفل ملون على الاجناب  ( اخذتلي جم حبه من السلطه… تقدرون تضيفون بصل مع فلفل اخضر بالتناوب بس ما كان لي خلق )… هالتتبيله كنت استخدمها بالربيان بس زدتها بابريكا و كمون .. الوصفه بالانجليزي تلقونها هني
 
المقادير :
م ك كزبره ناعمه
1 م ك بهار ماجيك مال الفاهيتا او اي نوع بهار سمج متوفر
2 م ك بصل مفروم ناعم حيل 
  1/4 كوب زيت كانولا وتقدرون تستخدمون زيت زيتون
1/4 كوب عصير ليمون
1 م ص ثوم بودر
1 م ك ريحان مجفف او أي اعشاب مجففه تحبونها مع السمج
2/1 م ك اوريجانو مجفف
4/1 م ص فلفل احمر حار
4/1 م ص فلفل اسود
1 م ص بابريكا
رشه كركم بس عشان اللون
2م ص كمون
1/2 م ص زنجبيل
1 م ك ملح او حسب الذوق
رز اسمر مسلوق
فلفل ملون مكعبات
 بصل اخضر مفروم
عصره عصير ليمون ويفضل لومي اخضر او لايم للرز
الطريقه:
نخفف سمك السمج ونقصصها مكعبات صغار … نتبلها بالزنجبيل ونتركها شوي عشان تشيل الزفر
نخلط البهارات مع الملح وعصير الليمون والبصل المفروم والاعشاب المجففه والزيت ونتبل فيهم السمج  ونخليه فتره وبعدين نشكه باعواد الخشب ونحط بالاطراف فلفل ملون ونشويه على حراره متوسطه لين يستوي 
نسلق العيش الاسمر بالطريقه المكتوبه بالجيس وقبل التقديم نرش عليها شوي عصير ليمون وبصل اخضر ويقدم بالف عافيه

4 thoughts on “تكا السمك

  1. يقول Anonymous:

    هذا ما يعتبر كباب بل تكة لانه عبارة عن قطع من السمجآنا سويت مرة كباب سمج وربيان عن طريق فرمهم بالمفرمة مع البصل وبقية البهارات والخلطات + شوية طحين عشان يتماسكيعني اشبه بكباب اللحممشكورة

  2. يقول bent el deera:

    شكرا للتوضيح والإصافات القيمه :)أنا كنت متردده بين المسمين وحسيت كباب ماشية أكثر :)عموما رح أعدلها ان شاء الله وحياكم الله

  3. يقول cheese 7cake:

    الله شكله لذيذ بس اول مره بحياتي يمر علي تكه او كباب سمج ….السمج موجود بالجمعيه ؟؟؟يصير استخدم سمج طازج ؟؟ومنكم نستفيد …تسلم ايديج

  4. يقول bent el deera:

    cheese 7cakeهلا حبيبتي هذا سمج فيليه عادي لاني حطيتيه باعواد الخشب سميته هالاسم:)انا استخدمت فيها هامور فيليه بس تقدرين تستخدمين اي نوع فيليه طري او مثلج وهم حلو بيكون مع الربيان حياج الله حبيبتي ومنوره :>

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s