عيش محمر بالزعفران …




هالوصفه اللذيذه من وصفات التراث  الكويتي … عاده تنوكل مع مرق مطفي او ميد مشوي… وصفات المحمر اللي اعرفها نوعين .. محمر بالدبس ومحمر بالشكر … وحتى وصفات محمر الشكر  تنقسم نوعين  نوع يحرقون او يكرملون الشكر بالاول وبعدين يزدونه ماي ويجبسون العيش عليه  هالطريقه ما تحتاج زعفران ولون العيش يكون محومر شوي ( تقريبا نفس لون الحكوكه اللي بالصوره ) .. او هالوصفه اللي ينحط معاها شكر بعد سلاق العيش نص سوا … الحكوكه بتكون لذيييييذه عشان جذي احب اقدمها مع العيش
مقدار الشكر بالعيش حسب الرغبه انا عاده احط على كل جيله كوب وبعدين ازيده  نص…. احب المحمر تكون حلاته زايده … وهالشي يرجع حق ذوقكم واول وتالي
 ادري هالوصفه مو وقتها لانها عاده تنوكل بالشتا بس بناء على طلب ياني بالايميل من اخوي بوناصر وقلت دام الصور موجوده حبيت انزلها للكل :>
طريقه الميد موجوده بالبلوق 


المقادير:
جيله عيش ( قوطي الاناناس)
تقريبا كوب ونص شكر
زعفران وهيل ناعم حسب الرغبه
قفشتين كبار ماي ورد
3 -4 حبات صغار زبده

الطريقة:
نسلق العيش بماي خالي نص سوا
نخلط الزعفران بماي دافي ليما يحل لونه وبعدين نضيف له الهيل الناعم وماي الورد
ناخذ حبتين زبده ونحطها بقاع الجدر ونحط فوقها شوي من خلطه الزعفران  وشويه شكر بحدود ربع كوب ونحط فوقه العيش بعد ما نشخله وهو حار وبعدين الشكر والزعفران بالويه ونتركه على نار هاديه لين يبخ عليه الجدر وبعدين نخولطه ونضيف باجي الشكر والزبده ونتركه يستوي كله وبالف عافيه

8 thoughts on “عيش محمر بالزعفران …

  1. يقول bent el deera:

    اسم الله على قلبج :***تصدقين عاد انا ماكله الا مع الميد يدتي الله يرحمها كانت تسوي لي فل سيرفس تقشر لي السمج وتخلطه لي مع العيش وتحط فوقه الحكوكه وانا كل اللي علي اكل وامش ايدي بالطوفهاياااام ههههههحياج الله حبيبتي الغاليه :>

  2. يقول Q8-HANDICAP:

    كله كووووووووووم والميد كوم ثانيوااااااايد عجبني شكل الميد اصراحهابي الطريقه ضروري لأن احنا طباخنا اذا مايخليه يتفحم ولا مايرتاح تسلم ايدج

  3. يقول bent el deera:

    Q8-HANDICAP ************حبيبتي انتي تامرين امر :**تلقين تتبيله الميد على هالرابطhttp://aklati.blogspot.com/2008/11/blog-post_24.htmlووصيه ان النار ما تكون عاليه عشان لا يتحرق معاكم الميد :>والصاجهاللي يشوي فيها ما تكون خفيفه :>

  4. يقول chatterbox:

    واااااااي اموت على المحمر والحكوكةاللي بالصورة ذابحتني بسويها اليوم اليوم اليوووومتسلم ايدج وكاميرتج🙂

  5. يقول bent el deera:

    بالعافيه يا قلبي ان شاء الله تسوينها وتكون على ذوقج يا ربحبيبتي مشكوووره :***

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s