مشروم او الفطر او عش الغراب · معجنات وفطاير · بيتزا · خطوة بخطوة

فطوم بيتزا بعجينه هنوف البلهان …

فطوم اختي تحب البيتزا تكون عامره  بكل اللي تحبه وغالبا هذي وصفه البيتزا المفضله لها جربوها وان شاء الله بتعجيكم 🙂 … قبل جم يوم يوم شفت موضوع  شاي الضحى قلت بجرب هالعجينه بس اكتشفت ان ماعندي طحين ذره  وانا سوي سيرج جان اشوف هالعجينه ثانيه حق هنوف بس كانت حاشيتهم حمسه دياي
العجينه وايد ترفه وحلوه … كالعاده انا خلطت بين ابيض واسمر عشان الفايده
انتو ملاحظين شكثر كودت وصفات عجين ههههه
المهم بالحشو انا خلطت كذا نوع مشروم احلى بس تقدرون تخلونه نوع واحد


لا تخترعون من شكل الصلصه  بس لاني مسويه طماط مجفف واستخدمت اللي طلعته من قلب الطماطه… حاولو كل المكونات تكون بحراره الغرفهماعدا الماي عشان تشتغل الخميره وما تطول بالتخمير… الشي الثاني الببروني اللي استخدمته من خزان يحتاج ينحط بمقلاه ليما ينزل الزيت ويتحمش بس هالمره حطيته على عداله وصار صعب بالمضغ

بسم الله نبتدي بالمقادير… رح تكفي 3 صواني بيتزا من نفس الحجم :
كميه الطحين احتمال ما تستخدمونها كلها 
2 ك طحين اسمر
2 ك طحين ابيض
4 م وسط حليب بودر
2م وسط خميرة
1 م  وسط سكر ونفسها ملح
2م وسط بيكنج بودر
نص ك  زيت اي نوع وانا حطيت ذره
نص كاس لبن وانا استخدمت قليل الدسم لان كميه الزيت حسيتها وايد 
1 ك ماء دافي
مقاديرحشوه البيتزا
ببروني
حبه فلفل اخضر صغيره مفرومه
تشكيله من المشروم ( حبه وسط بورتبيلو و 3-4 من كل المشروم ابيض والبني ) كلهم مفرومين
حبه بصل صغيره مفرومه
زبده حبه صغيره
جبن موتزريلا وانا استخدمت كرافت
رشه ملح
مقادير الصلصه
طماط مفروم او لب طماط
شوي معجون طماط
قفشه صغيره كتشب
ملح
فلفل اسود
اعشاب عطريه ( اوريغانو وزعتر و ريحان مجفف )
رشه شكر
زيت زيتون
فص ثوم مفروم
رشه من بهار الباستا ماجيك وتلقون صورته بموضوع البهارات

الطريقه:
نخلط المكونات الجافه بالعجينه ( ونشيل كوب تقريبا طحين )… وبعدين نضيف المكونات السائله ونخلطهم ونضيف باجي كميه الطحين بالتدريج لين تتكون عندنا عجينه مطاطه وما تلزق باطراف طاسه العجن
نتركها تخمر من ثلث لي نص ساعه حسب حراره المطبخ
 

على ما تخمر العجينه نسوي الصلصه اول شي نسخن الزيت ونحمس الثوم وبعدين نضيف الطماط ونتركه لين يغلي وبعدين نضيف باجي المكونات ونخليها على نار واطيه لين يتبخر اغلب السوائل وتثقل نسكر عليها ونتركها تبرد  وبعدين نفرد العجينه ونضيف الصلصه فوقها
نحمس المشروم والبصل والفلفل الاخضر بالزبده بس لما يذبلون ونضيف لهم رشه اوريغانو اذا حبيتو مع الملح ونحطهم فوق الصلصه
مثل ما قلت لكم الافضل انكم تحمرون الببروني وتنشفونه بورق كلينكس وبعدين تضيفونه فوقه
دخلوه الفرن وبنص الوقت  ضيفو الجين .. او تقدرون تضيفون الجبن معاه من البدايه اذا العجينه  سمكها ضعيف

وقدموه بالف عافيه
Advertisements

18 thoughts on “فطوم بيتزا بعجينه هنوف البلهان …

  1. الله يسلمج حبيبتي … شفتي شلون دليتيني على هالعجينه وطلعت تيننن وايد ترفه وما تطول بالتخمير ألمره اليايه بسوي العجينه اللي عندج بالبلوق بس أول ما اشتري طحين الذرة ان شاء الله مشكوووره حبيبتي وحياج الله

  2. Fishah*******حبيبتي انتي منوووره :****لا تفضحينا لووووولاي صراحه خربت واعترف خخخخخخخالله يسلمج حبيبتي وحياج الله دوم :>

  3. شلونج شخبارج من زمان عنج اشتقنا لطبخاتج فقلنا نسير أما البيتزا شكلها جنان انزين شلون الطعم أنا بجربها لأني صاري فترة أبي طريقة بيتزا لأنه اللي عندي ضيعتها و خبرج نساية مشكورة كتير وايد Very much و سلامت بوبوبو =مشكورة وايد بالفلبيني و يعله مداخيل العافية أورفار *_^شكرن لانج حببتيني بالمطبخ *_^

  4. خاتونهلا حبيبتي وانا بعد ولهت عليج :**اذا تبين عجينه ثانيه ومقاديرها اقل شاي الضحى منزله وصفه ثانيه حق هنوف البلهان وحلوه عجبت اهلي بس حشافه ما صورتها :>وحياج الله بكل اللغات هههههيا حلوج والله :****

  5. مشكوره وماقصرتى والله يوفقك بس باليت تكتبين وصفات من كتاب المطاحن احب اصدراتهم وين ممكن اشتريها من السعوديه

  6. مشكوره وماقصرتى والله يوفقك بس باليت تكتبين وصفات من كتاب المطاحن احب اصدراتهم وين ممكن اشتريها من السعوديه

  7. غير معرف *********حياج الله عزيزتيللاسف مادري وين تنباع بالسعوديه بس اذا تحبين اقدر اعطيج ايميل المؤلفه عشان تتواصلين معاها :>

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s