وايد هين هالتشيز كيك ما يبيله عباله ومكوناته شويه واغلبها جاهز واسهل شي انه ما يبيله مجابل … فشوشه بعد جبدي قايلتلها اني بنزل وصفه حلو من زمان … اتمنى هالوصفه تعجبج بالاضافه ان ابوي فديت عمره موصيني اسوي له تشيز كيك من فتره
الوصفه مو لي ماخذتها من عالم حواء من عضوه اسمها كريكره انا بس عدلت شوي المكونات … كنت اسويها من زمااان على هيئه ميني تشيزكيك
عاد مره من المرات وانا احوس بمركز سلطان جان اشوف قوالب قصدير فيه الكرست جاهز اخذته لان كان ودي اجرب الغراهام وبشوف الفرق بينه وبين الدايجستف لاني اسمع وايد عنه
تقدرون تضيفون اي نوع صلصه تحبونها سواء توت ولا فراوله ولا كرز … نص علبه عاده كفايه بس لان عيني ضيجه حطيت العلبه كلها ههههه
الافضل المقادير تكون بحراره الغرفه عشان تسهل عليكم الخلط
بسم الله …حياكم
المقادير:
علبتين ونص جبن فيلادلفيا ( 500 غ )
بيضتين
بشر ليمونه
فانيلا سائله حسب الرغبه
كوب شكر
وعلبه باي فلينغ … باي نكهه تحبونها
علبه كرست جاهز ( اذا مو متوفره استخدمو دايجستف وزبده بالكميه اللي فيها تغطون قالب الشيز كيك وتقدرون تضيفون معاه قشر ليمون او دارسين او جوز الطيب مبشور )
الطريقة:
نشغل الفرن بدرجه حراره 180-190
نخلط الجبن والشكر والفانيلا وقشر الليمون والبيض ونصبه فوق البسكوت وندخله الفرن ونتركه 60 دقيقه تقريبا او لين يستوي (لما يصير عليه لون خفيف اصفر )… بتشوفونه ينفش ويفش ترا عادي لان كميه البيض شويه
بعد ما تسكرون النار بطلو باب الفرن وخلوها تبرد وحطو الطبقه العلويه ودخلوها جم ساعه بالثلاجه لين تبرد واكلوها بالف عافيه
My Kitchen 
مساء السويت اللذيذ :>احب السويييييت تقولين نمله هههههههتسلم ايدج حبيبتي :*بس شنو رايج ايهو احلى الدايجستيف والا هالقالب؟:)مشكوووووره :>(ربنا يزيد ويبارك من هالوصفات) ههههههههه
اموت على الجيز كيك شوستها جم مره بالفرن ومره بالثلاجه بس الفرن وايد احلىهالقوالب شايفتهم بس ما جربتهم اموت على جراهام كراكر حده عجيييييب خاصه مع الايس كريم قبل فتره رحت الجمعيه بشتريه ما عرفت شلون صاير شكله ههههههه ماكو الا اروح سلطان وادوره تسلم ايدج وعوااااااااااااااافي :*
اتشوووق ..ترى انا نفسج احط الصلصه الي فوق كلها مونصها .. احلا عندي 🙂
Fishah *******الحلو ما يحب الا الحلو ؛>الله يسلمج وان شاء الله اليوم بعد بسوي لج تشيز كيك بارده اهداء :***بالنسبه للقالب والدايجستف طلعو نفس الشي بس الغراهام كراكرز شوي اثقل :>ومشكووووووووووووره حبيبتي :**
شاي الضحى**********حبيبتي مشكووورهوالفرن صح احلى بس انا ليلحين ما طحت على طريقه تعجبني 100%…. اذا عندج وصفه قوليلي عنها :>غراهام كراكرز طاحت ريلي وانا ادور عليه اقرب شي حصلته هالقوالب … شكله يا طويله العمر بسكوت ضعبف جنه ورقه يكون ملزوقين مع بعض بالطول… ان شاء الله تحصلينه بمركز سلطان:>ابشرج شريت طحين الذره واليوم ناويه ان شاء الله اسوي العجينه .. ادعيلي :>
fatto*****حبيبتي مشكووورهواخيرا لقيت احد نفسي هههه… انا بعد احب الصلصه تكون كثيفه بالتشيز كيك :>حياج الله حبيبتي :>
يالله جربي البيتزا وقولي رايج عليكم بالعافيه وبدور الجراهام كراكر اذا لقيته بصوره وبحطه بالبلوق ههههه جربت وايد وصفات مو وايد حلوين واخر وصفه جربتها كانت وااايد حلوه ولذيذه وانا مسويتها من قبل وحاطه الوصفه بالبلوق وهذا اللنك http://chayaltha7a.blogspot.com/2010/02/oreo-cheesecake.html
شاي الضحىمشكووووووووووره يا بعد عمري ان شاء الله اجربها قريب ان شاء اللهعاد شكلها يشوقالعجينه تصدقين مادري عنها… خواتي كلوها كنت نايمه هههه
ناااايس وانا بضيف لج معلومه بالنسبه للي فوق الجبن اذا ما تبينه يصير لونه اسمر رشيه بزيت الرش او مسحي عليه عالخفيف 🙂 وميرسي على البوست بجربها اليوم
ههههههه سوري مو هالبوست قصدي عن البيتزا