لزانيا بالسبانخ وطماط مجفف وصنوبر

قبل لا ابتدي بالوصفه احب اشاركم بناء على دعوه غاليه من انسانه غاليه انضميت حق منتدى شامواه وان شاء الله بتشوفوني هناك وبتشوفون وصفاتي هناك ان شاء الله :>
والحين نتكلم عن الوصفه اخذتها من موقع Delia … وسبق اني قلت وايد احب هالشيف الاسياسيات اللي تعلمها روعه … الوصفه موجوده بكتابها بس انا حصلتها بالنت حق اللي يحب يطلع عليها


انا قسمت الوصفه لاثنين  ومع انها المفروض تكون حق شخصين طلعت عندي اكثر فاذا تبونها حق شخصين كررو الطبقات بالنسبه لي احبها جذي… الاختلاف البسيط بين تطبيقي وبين الوصفه اني ضفت طماط مجفف للخلطه وقللت نسبه البلوتشيز لي النص لاني ماحب نكهتها وايد تكون ظاهره


الوصفه  على ان مكوناتها دسمه بس ما  تحسون فيها ثقيله…. قدموها مع سلطه جرجير او سلطه خس مشكل

المقادير:
كوبين حليب
حبتين زبده صغار + حبه زياده حق السبانخ
قفشتين كبار متروسين طحين
ورقه غار
نص كوب جبن بارميزان مبشور
ربع كيلو الى 300 غ سبانخ فرش … تقريبا 3 شدات كبيره
صنوبر محمص  وطماط مجفف شرايح حسب الرغبه
شرايح لزانيا مسلوقه حوالي 6 قطع
جيس جبن موتزريلا
نص علبه جبن ريكوتا… تقدرون تحطون علبه كامله اذا تحبون طعمها
 50 غ جبن بلوشيز ( اذا ما تحبونها لا تحطونها … انا عن نفسي ماحبها بس موجوده بالوصفه )
رشه جوز الطيب
ملح وفلفل اسود

الطريقه:
اول شي نسوي البشاميل… نذوب حبتين زبده وفوقها الطحين ونخلطهم لين تطلع ريحه الطحين بس من غير ما يتغير لونه وبعدين نضيف الحليب بالتدريج ونضيف ورق الغار والملح والفلفل الاسود .. او نحط الكل مع بعض ونخلطهم مره وحده  لين يثقل وبعدين نسكر الجوله و نضيف الجبن ونشيل ورق الغار ونخليه على كتر…. غلفوه بورق نايلون
ناخذ حبه الزبده والسبانخ ونخليهم على النار لين يذبل السبانخ نرش عليه الملح والفلفل الاسود وجوزه الطيب … ننطره لين يبرد وبعدين نعصره بايدنا عشان نمتخلص من كل السوائل اللي فيه وبعدين نفرمه ونخلطه مع الريكوتا وثلث كوب من البشاميل وملح وفلفل اسود

بالبايركس .. نحط شوي من البشاميل  وبعدين شرايح اللزانيا وبعدين السبانخ والطماط المجفف والصنوبر ونفتت البلوشيز فوقه ونرش نص مقدار جبن الموتزريلا وبعدين شرايح اللزانيا وباجي صلصه البشاميل والموتزريلا واذا تبون بعد بارميزان ودخلوه الفرن على حراره 180 نص ساعه تقريبا لين يتحمر الجبن

3 thoughts on “لزانيا بالسبانخ وطماط مجفف وصنوبر

  1. يقول مريضة ٌ بالوطن:

    شرايج تصيرين اختي ..؟؟ ابي احد يطبخ معاي بس محد يعطيني ويه بالبيت😦 ,, يعطيج الف عافيه وتسلم ايدينينج الحلوه على هالاكل الطيب

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s