my bookshelf

كتب طبخ يديده… (( تحديث ))

**تحديث : بعد ما نزلت البوست كلموني المطاحن وكلمت الاخت انتصار المطوع بالتحديد اسلوبها كان جد راقي معاي وتاسفت لي بالنيابه عن موظف مخبز الشعب وعرضت علي توصلي نسخه يديده سليمه لي مكتبي … صراحه كنت منحرجه منها وان شاء الله اليوم استلم نسختي اليديده… مادري شقول اكثر من شكرا جزيلا

مريت اليوم مكتبه العجيري عشان اشتري شغله حق ابوي … شفت كتب طبخ يديده اشكال والوان وحصيلتي اسفرت عن هالنسخ

كتاب عرفات الاربش اليديد المفروض يكون معاهم بس كانت اختي الصغيره تتصفح فيه… كتاب المطاحن خذته من مخبز الشعب
الحين مكتبه العجيري مسويه عرض حلو خصم 10 % على كل كتب الطبخ الموجوده… والضيافه الخصم يصير 20%
الحين بنيي حق الكتب بعد ما فجيت الغلاف وتصفحتهم  لاحظت الاتي هههه .. ركزو اني رح اتكلم عن الوصفات مو عن التطبيق والمقادير لاني للحين ما جربت شي ههه :
منال العالم اليديد… الصراحه مايسوا ولا فيه شي يديد… تحسفت اني اخذته  مع اني احب وصفاتها بس مالقيت شي يسوا بهالكتاب
عرفات الاربش هيل وزعفران …. مممممم مو كل وصفاتها تنجح معاي احس مقاديرها مو مضبوطه 100% بس حبيت بهالكتاب انه منوع وفيه جزء حق الاكل الكويتي
سنسز2  م. انتصار المطوع …الصراحه مهما اقول  عن اصدارتها  شويه الله يعطيها الف عافيه كتب المطاحن تينن وهالجزء شكله حلو ومنوع واغلب الوصفات مبين عليها سهله بس لاحظت بنسختي ان الوصفات مكرره بعد ص 172 انا حاولت ابدله بس النحيس اللي بمخبز الشعب ما رضى لانه الكتاب كان مغلف وانا كنت برده بعد ما فجيبت الغلاف !!!!
كتاب الذواقه عبير الراشد… يننن انا اشتري كتبها وانا مغمضه وبالرغم ان الكتاب اللي قبل هالاصدار ما عجبني الا ان هالكتاب وصفاته تهبل ومقاديرها متوفره … انا عندي هذا احلى اصدار من اصداراتها
السفره غنيمه التركي …. ضرب هالكتاب وتر حساس عندي لاني اعشق اكلنا الكويتي وهالكتاب كله وصفات من التراث … اللي يبي سوالف فناتق مرح يعجبه هالكتاب بس انا حبيته
Advertisements

19 thoughts on “كتب طبخ يديده… (( تحديث ))

  1. يعطيج العاااافيه اليوم أمس أم فلان قاعده توصيني على كتاب المطاحن وقلتلها عن الذواقه قالت غالي بس الظاره بروح آخذلها الذواقه والفسره والمطاحنشكرا من القلب

  2. ولكم باااااكشلونج وشخبارج؟ولهت عليج صارلنه مده ندور كتاب المطاحن كله خالص ماكو الا نروح لهم وناخذه يعطيج العافيه 🙂

  3. قوةالله يعطيج العافيةانا قبل فتره اخذت كتاب طبخ حق الاهل من العجيري ووايد حلو كان مال وحده قطريه تحياتي لج وبانتظار اطباقج

  4. الليلة عندي حفلة شوي باربكيوعندج افكار يديده تضبطيني فيها ؟انا يايب تكا وريش وكباب وعرايس ودياي في تتبيله معينه مثلا ؟اقدر احط شي بعد ؟بانتظارج تحياتي

  5. ابوفلان*******الله يعافيك اخوي :>كتاب الذواقه هالسنه مو غالي اعتقد 6 قبل الخصم وتقدر تتصفحه قبل لاتشتريه عشان تشوف الوصفات :>عليكم بالعافيه وان شاء الله تعجبكم الكتب … وتسلم ايد ام فلان مقدما :>بلغها تحياتي :>

  6. شاي الضحى**********شايوونه حبيبتي مس يو توو :**وصاجه كتاب المطاحن انا ما حصلته الا عندهم بس العجيري يقولون بيبونه هالجم يوم :>خوش كتاب انصحج فيه والله يعافيج يا حلوه:>

  7. Hamed *****هلا اخوي … اعتقد الكتاب اللي تقصده الموائد… تصدق شفته بس ما تصفحته ان شاء الله المره اليايه اشوفه :>مشكور على النصيحهبالنسبه لحفله الباربكيو ان شاء الله تكون مثل ما تحبالتتبيله تقدر تضيف اي بهارات تحبها وتقدر تستخدم سفن اب بالتتبيله لانها تطري اللحوم عن تجربه انا ما افضل يكون اللحم يكون متبل ببهارات وايد عند الشوي بس احب اقدم يمه صلصات وايد… الدياي تقدر تتبله بروب وثوم وخل ملح وتندوري وعصير ليمون مايونيز او زيت زيتون واي بهارات ثانيه تحبها انا احط كل شي اشوفه قبالي سواء كمون او فلفل اسود او كاري او بابريكا حتى نعناع يابس احطه ههههتقدر تقدم صلصله طحينه ( روب وهرده وثوم وعصير ليمون وملح وماي ونتفه كمون )تقدر تقدم صلصات الباربكيو الجاهزه ( انا احب مالت ماكدونالدز امر اخذ منهم بنص هههه )صلصه الجتني ( جوز هند ولبنه وفلفل وكزبره وثوم كلهم بالخلاط )صلصه سويت اند ساور جاهزهصلصه الطماط ( تحمس بصل ناعم صغار مع ثوم وتزيد عليه معجون وكتشب وملح واي اعشاب تحبونها او سماق )طبعا روب وخيار مع نعناعمتبلات مثل متبل البيديان او القرع او الكوسا او البطاطخضار مشويه حلوه وايد حلوه مع المشاويتقدر تشتري قواعد بيتزا وتزيدها اللي تحب وتشويها على الفحم بتصير وايد حلوه او تذوب فيها مارشملو مع ككاو تصير مثل بيتزا بس حلوة السلطات اللي تمشي مع المشاوي مثل سلطه البطاط وسلطه الجرجير و الفتوش والتبوله او سلطه الباستاموفقين ان شاء الله بالحفله وان شاء الله قدرت افيدك :>

  8. sara *****هلا عزيزتي … الذواقه تحصلينه بالعجيري انا اكتشفته موجود بالصدفه هههوالمطاحن انا ما لقيته الا بالمخابز :>

  9. مادري شلون بيكون طعمها بالمكروونهانا من عشاق المرقوق بدون ايدام :)تسلم ايدينجوبالنسبه لكتب الطبخ عندي كتب بس ماعمري التزمت فيهم مادري ماعرف اخذ طريقه واطبقها بحذافيرها

  10. ri7ana ******طعم المرقوق بالمعكرونه ما يفرق وايد عن العجين … جربيه وحكمي بنفسج :>الحلو فيه انه سريييع ما يبيله شي وانا جربته مره صرت اسويه بين فتره وفتره :>بالنسبه لكتب الطبخ انا عكسج عندي كتب اشكال والوان ههه :>

  11. وااااو واااو عليج واااايد فدتيني بس ما اعتقد ينفع كل شي حق الليلة،لاني بالفعل بلشت بتتبيلتي التقليدية المميزةوانا كنت حابب اخذ افكار اكثروانتي بصراحة ما قصرتي معايمشكووووره خيتي وياريت نكون على تواصل دائم ولاتنسين كتاب القطرية ترا على كيف كيفج ،كاهو مقطوط عندي وناطر احد يحن علي ويسويلي منه هههههتحياتي لج

  12. Hamed********حياك الله اخوي حمد … والبلوق بلوقك واذا عندك اي استفسار او اي شي لا تتردد :>

  13. يعطيج العافيةانا بصراحة استمتع لما اتصفح مدونتجوبالنسبة للكتبما احب كتاب المطاحن احس بس صورومنال العالم معقد وتقليديبس شوقتيني على الذواقةواذا ما عندج كتب بتول الكندري" افكاري في اطباقي"انصحج فيه انا شخصيا احبه مع ان مو كل الوصفات ممتازة بس هم جربت اكثر من طبق وايد حلوةواتمنى مج زيارة مدونتي اذا ماكان عندج مانعwww.4q8yat.blogspot.com

  14. بيرفت كونتيسا**************حياج الله حبيبتي ومشكووورهوالبلوق بلوقج حياج الله فيه باي وقتبتول الكندري عندي كتبها بس انا منزله الكتب اليديده اللي شريتها .. ان شاء الله بيوم بنزل موضوع عن كل كتب الطبخ الموجوده عنديبتول نزلت كتاب يديد؟؟بالنسبه للمطاحن انا صراحه وايد استفدت منهاالذواقه كل اصداراتها فناتقبس عيبها مكوناتها مو بكل مكان تحصلينهمنال العالم بالعكس مو معقد لانها تشرح كل وصفه يس مثل ما قلتي كل وصفاتها تقليديهوان شاء الله الحين ازور مدونتج :>اكيد بنستفيد منها :>

  15. ماشاء الله صفحتك حلوه ومرتبه تونى اشوفها انا من السعوديه الشرقيه وياليت تكتبين عن كتب المطاحن اكثر عندى اغلب الاجزاء وارجع لهم دائم

  16. ام عبدالعزيزحياج الله حبيبتي ومشكووووره على الحجي الحلو بالنسبه لكتاب المطاحن نفس نوعيه الإصدار اللي قبله بس زايده أطباق يديده وغريبه أنا طبقت منها صنفين اللي أهو الكورن دوق والنودلز وودي أجرب كبه الشمندر صراحه انصحج فيه 🙂

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s