barefootcontessa



  Ina Garten او ما تسمى ب barefoot contessa بالفتره الاخيره صارت من المفضلين عندي… اغلب وصفاتها تينن ومضبوطه… ذوقها بالطبخ وايد يمشي مع ذوقنا العربي وفوق كل هذا احب فيها اصرارها على استخدام مكونات ذات جوده.. حتى بالوصفات اللي تشوفونها بالنت دايما تذكر زيت زيتون من النوع الجيد اوافضل نوع جبن ريكوتا تحصلونه فاكهه او خضره معينه بموسمها … الخ

صراحه بتطبيق وصفاتها ما اتعب كلش مقاديرها محدده بالقفشه والكوب… تعجبني انها علمت روحها بروحها ونجحت بتفوق …سبب تسميتها ب Barefoot Contessa يعود حق اسم مطعم كانت تملكه  ولما صار لها برنامج تلفزيوني وصار اغلب وقتها موزع بين اصدارات كتبها وبين التلفزيون باعت المحل وطبعت كل الوصفات اللي تبيعها بكتاب هههه


نيي الحين حق تطبيقاتي .. الصراحه طبقت منها اطباق وايد صورت جزء منها والباجي اكلناه قبل لا نصوره هههه من هالتطبيقات:

عجينه البيتزا … ذكرتها قبل فتره بالبلوق وصج تهبل خوووش عجينه…. كانت مسويتها ب 3 اجبان فاخذت الفكره منها وحطيت 3 اجبان متوفره عندي مع مشروم وحطيت فوقها سلطه جرجير… كانت تينن والكل حبها…ان شاء الله بنزل الوصفه جريب


تتبيله الستيك وكان صج لذيذ… صارت الاساس حق كل تتبيلات الستيك اللي عندي وقمت ازيدها بس اعشاب 

كب كيك جوز الهند…ما تشجعت اسويه الا بعد ما شفته على النت وشفت شكثر مديح ماخذ… طعمه رووعه ما كنت متخيله بيوم من الايام اسوي كب كيك والكل يمدحه جذي.. طعمه وايد قريب على البسبوسه والذ 

ان شاء الله رح اذكر الوصفات كلها بس شنو تحبون ابدي فيه ؟
Advertisements

17 Comments اضافة لك

  1. Anonymous كتب:

    مرحبا أناإسمي لينا تعرفت على بلوقك بالصدفة … بس الصراحة يعيطيكي ألف عافية .. أكللك شكلوا كتير كتير طيب .. وأنا جرب كم وصفة منوا وكانوا كتير ناجحين … يسلموا ايديكي كمان مرة … و مبارك عليكي الشهر الكريم … و حبيت اشارك معك عالويب سايت و خاص بالحلويات و الخبز … إن شاء يعجبك … و نذوق منوا شي وصفة على ايديكي …يا ريت تبدي بوصفة الستيك و بعدين البيتزا و عجينتها 🙂 🙂 🙂 http://joyofbaking.com/موفئة

  2. Anonymous كتب:

    مرحبا أناإسمي لينا تعرفت على بلوقك بالصدفة … بس الصراحة يعيطيكي ألف عافية .. أكللك شكلوا كتير كتير طيب .. وأنا جرب كم وصفة منوا وكانوا كتير ناجحين … يسلموا ايديكي كمان مرة … و مبارك عليكي الشهر الكريم … و حبيت اشارك معك عالويب سايت و خاص بالحلويات و الخبز … إن شاء يعجبك … و نذوق منوا شي وصفة على ايديكي …يا ريت تبدي بوصفة الستيك و بعدين البيتزا و عجينتها 🙂 🙂 🙂 http://joyofbaking.com/موفئة

  3. bent el deera كتب:

    هلا فيج اختي لينا صراحه سعدت جدا بتعليقج :>و مشكوووره وايد على الحجي الحلو :>الموقع اللي عطيتيني اياه ينن انا وايد احبه مشكوووره .. انا جربت منه وصفه كوكيز وكانت ناحجه ونفس الشي حق وصفه خبز ان شاء الله انزلها بالمرات القادمه :>حياج الله واتمنى زيارتج الحلوة ما تنقطعبالنسبه للوصفات ان شاء الله ولا يهمج :>

  4. شاي الضحى كتب:

    تسلم ايدج وعليكم بالعافيه امي تبي تتبيلة الستيك 🙂

  5. Anonymous كتب:

    شكراً كتير على ردك اللطيف ..وما تخافي رح أنئطع لانو رمضان جاي .. وانا زوجة جديدة وبدي طبخات شهية و سهلة وفيها أفكار جديدة متل اللي عندك 😉 😉 شكراً مرة تانية … … لينا 🙂

  6. ANGEL HEART كتب:

    مسائج خير وورد وكل عام وانتي بخير مقدما ومنورتنا بردتج ووصفاتج الحلوهانا ابي الكب الكيك 🙂

  7. ri7ana كتب:

    شكل البيتزا وايد حلوو ومغريانا للاسف ماتضبط معاي المعجنات ووصلت مرحله ان مستحيل استحاله اسوي معجنات بالبيت 😦 والكب كيك مرتب ماشاء الله

  8. Anonymous كتب:

    تسلم ايدج :)انا جربت كيكة الروب. وايد لذيذه و صح كلامج مقاديرها مضبوطه و اكلها هب ماصخ. شمه من ابوظبي.

  9. bent el deera كتب:

    شاي الضحى **********الله يسلمج حبيبتي :*وسلمي على الوالده وقوليلها من عيوني اهي تامر امر :>

  10. bent el deera كتب:

    لينا*****حياج الله حبيبتي :>

  11. bent el deera كتب:

    ANGEL HEART************يا بعد جبدي تسلمين والله ةالمكان منور فيكم وبوجودكم :>من عيوني ان شاء الله باجر انزل الوصفه :>

  12. bent el deera كتب:

    ri7ana*******صدقيني انا كنت نفسج بس مع المحاوله والتكرار قمت اضبطها الحمدالله اقري ملاحظاتي اللي كتبتها عن العجين ان شاء الله بتفيدج واذا مو حابه تجربين تعجنين تقدرين تشترين عجينه جاهزه او تستخدمين الخبز والصمون كقاعده للبيتزا واعتقد لو رحتي محل فطاير وطلبتي منهم عجينه نيه بيعطونج وتقدرين تجربين فيها :>

  13. bent el deera كتب:

    شمه *********حياج الله حبيبتي شمه :>ومشكووره على ذكر تجربتج … شجعتيني اسويها لاني كنت متخوفه من الطريقه خاصه انها شربتها شيره بعد السوا فتوقعت الكيكه بتكون رطبه :>

  14. Anonymous كتب:

    مشكوره ع الرد و على الوصفات :)أنا سويتها بدون الشيره لاني ما احب الحلا الزايد و هي تطلع رطبه من الروب.شمه

  15. bent el deera كتب:

    شمه****مشكوووورهان شاء الله بجربها قريب :>

  16. بيرفت كونتيسا كتب:

    صاجة والله وصفاتها حلوة

  17. bent el deera كتب:

    بيرفت كونتيسا***************تدرين عاد شكثر عندي وصفات بطبقها حقهاطلبت كتابها من فتره بس للحين ما وصلني :>

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s