Ina's coconut cupcake كب كيك جوز الهند بطريقه اينا غارتن

مثل ما وعدكم ووعدت الغاليه انجل هارت هذي وصفه الكب كيك…كانت عاجبتني من اول ما شفتها ببرنامجها  وتشجعت بعد ما شفت التطبيق بمنتدى شامواه…بالوصفه الاصليه الناريل مو محمص بس اكتشفت انه وااايد الذ بعد التحميص وتقدرون تحمصون كل الكميه مو بس الكميه اللي بتطلع بالويه… صدقوني بتحصلون مديح يبرد القلب من هالوصفه :>
جيس جوز الهند المحلى تلقونه بمركز سلطان اكو مقاسين لا تاخذون الكبير اخذو  هالحجم
هذي صورته
المقادير بتطلع لكم درزن كب كيك من الحجم الكبير… كل المقادير تكون بحراره الغرفه :
170 غ زبده
كوب شكر
3 بيضات
قفشه صغيره فانيلا سائله
كوب ونص طحين المطاحن الفاخر
نص قفشه صغيره بيكنغ باودر
ربع قفشه صغيره بيكربونات الصوديوم
ربع قفشه صغيره ملح
نص كوب لبن
جيس جوزهند محلى نصه بيصير بالعجينه ونصه بيصير بالويه
مقدار الفروستنغ ( انا لعبت بالمقدار حسب ذوقي )
اصبع زبده 100 غ
جبن فيلادلفيا 200 غ
300 غ سكر ناعم
قفشه صغيره فانيلا سائله
الطريقة:
نخلط المقادير الجافه مع بعض
نشغل الفرن على حراره 180 ونلبس البليسيه بقوالب الكب كيك
بالخلاط الكهربائي نخلط الزبده مع الشكر لين يتكون منه كريمه لونها اصفروبعدين نضيف بيضه بيضه للخليط على سرعه بطيئه لين يختلط المزيج عدل وبعدين نضيف الفانيلا
نضيف الخليط الجاف بالتناوب مع اللبن بحيث نبتدي بالطحين ونتنهي فيه
نسكر الخلاط الكهربائي ونضيف جوزالهند ونخلطه بالقفشه ونحطه بقوالب الكب كيك ( لا تملونها لي الاخر لانها بتنتفش )
ندخله الفرن حوالي نص ساعه ونشيك السوا بعود خشبي واذا اوكي نطلعه وننطره يبرد
بهالاثناء نسوي الفروستنغ .. اول شي نخلط الجبن والزبده لين يصيرون مثل الكريمه وبعدين نضيف الشكر الناعم والفانيليا ونتركه على جنب
ونحمص باجي كميه جوزالهند على مقلى لين تطلع ريحته ونتركه يبرد
نزين الكب كيك بالفروستنع و جوز الهند وبالف عافيه

8 thoughts on “Ina's coconut cupcake كب كيك جوز الهند بطريقه اينا غارتن

  1. يقول طز بالرجالة:

    تسلم ايدجعاد تصدقين ما ابلعها هالشيفولا ريلها …انا شاكه انه مصري ملامحه تقول ذلكاذا مو الايطالية العصلة دي لا رينتس ما يعجبني طبخ احدعاد كلش ولا تلعوس و تلغمس ريتشل ريي الوصخة الله يقطعها

  2. يقول bent el deera:

    Super Sara ***********الله يسلمج حبيبتي :> جربيها وان شاء الله بتكون على ذوقج :>

  3. يقول bent el deera:

    طز بالرجالة*************اهلييين سويتي :*والله يسلمج من كل شر :>جيادا ما جربت منها ولا شي … ان شاء الله بجرب منها قريب شوقتيني عندها وصفه بلوبيري بان كيك داشه مزاجيههه ومثل ما قلتي وايد عصله ساعات استغرب اكلها متروس دسم وجذي عصله بس شاطره تيمع ربعها وتوكلهم ههههههوموتيني من الضحك على ريل اينا صج اشباهه مصريه … تصدقين اغلب اليهود تحسين ملامحهم فيها من ملامح العربيه

  4. يقول Rayoom:

    تسلم يدج حبيبتي
    الوصفه حدها تهبل سويتها اليوم للأهل وعجبتهم واااايد
    بس كان عندي سؤال:
    جوز الهند لما حمصتيه حطيتي معاه زيت او زبده؟؟
    لأني حمصته بروحه صج طلع لذيذ بس حسيته نشف ويبس وحتى اغلبه صار انتف صغار!!
    مو نفس اللي في الصوره عندج تبارك الله شكله حلووو

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s