كورن دوغ



هالوصفه بناء على طلب الغاليه DoDoq8 ….الصراحه انا مو ذايقته من قبل بس توقعته مقرمش.. شفت الوصفه بكتاب المطاحن اليديد سنسز2 وطبقتها العجينه حلوه بس طلعت لينه مادري اذا اهي المفروض تكون جذي ولا لء… بس ان شاء الله المره اليايه اللي بسويها بقلل من مقدار الطحين وبزيد من طحين الذره عشان تكون الطبقه الخارجيه مقرمشه اكثر :>


المقدار يكفي 10- 12 حبه هوت دوغ الحجم العادي :>


1و 1/3 كوب طحين ابيض
1/3 كوب طحين ذره
قفشه كبيره شكر
قفشه صغيره ملح
1 و 1/2 قفشه صغيره بيكنغ باودر
3/4 كوب حليب سائل
بيضه
10-12 حبه هوت دوغ
اعواد خشبيه على عدد الهوت دوغ 
وطبعا زيت قلي
الطريقه:
نخفق البيض مع الحليب
نخلط نوعين الطحين والشكر والبيكنغ باودر  والملح ونضيف لهم الحليب والبيض
نشك العود بالهوت دوغ ونغمسه بالخليط ونحطه بزيت حار ونقلبه على الجوانب لين يتحمر… تقدرون تاكلونه مع مسترد او خلطه المايوتشيب :>





Advertisements

8 Comments اضافة لك

  1. شاي الضحى كتب:

    انا ذايقه الكورن دوغز من قبل ما يصير يابس ولا لين بالنص وكان طعمه لذيذاخيرا امس امي شرت الكتاب والله فيه اشياء وااااااايد حلوه بس الحلو ما عجبني الاكل العادي احلى وان شاءالله ناوين نجربه تسلم ايدج وعوافي 🙂

  2. bent el deera كتب:

    شاي الضحى************مشكوووووره يا بعد قلبي على التوضيحتصدقين هالوصفه العجينه لينه جنها صمون .. عشان جذي استغربت وين تنصحيني اذوقه؟وعليكم بالعافيه على الكتاب … انا اصلا ماحب الحلو عشان جذي ما همني حتى لو تلاحظين بالكتاب اللي قبله هم عندها حلويات مادري شلون صايره لقيمات الشعير ومادري شنوالله يعافيج يالغلا ولا تقاطعين:>

  3. DoDoq8 كتب:

    حبيبتي مشكوووره لازم اجربه برمضان وشكله سهل واحس اليهال بيستانسون عليه تنصحيني اشتري كتاب المطاحن ولا مايسوى ؟

  4. شاي الضحى كتب:

    طلبته من مطعم بيتزا ان وعجبني وفي واحد كاتبين عنه الفيونكات شكله لذيذhttp://fyonkat.blogspot.com/2010/06/corn-dog.htmlعيل انا عندي الحلو شي ضرووووووري خاصه برمضان اهم من الاكل عشان جذي اول ما خذيت الكتاب بطلت على الحلو 🙂

  5. bent el deera كتب:

    DoDoq8*******ان شاء الله تجربينه ويكون على ذوقجالصراحه بالنسبه للكتاب في سوالف تشجع للتطبيق وفي لء بس بالعموم انصح تاخذينهانا جربت منه 3 اشياءهالكورن دوق وما عجبني وايد احس يليله تعديل بس اختي عجبها وجربت النودلز وخواتي وايد حبوهوكبه الشمندر واليوم بقلي حبه عشان اشوف طعمها :>

  6. bent el deera كتب:

    شاي الضحى**********مشكوووووووره اكيد بجربهم ان شاء الله :>خلاص خلي الحلو عليج عشان اتعلم منج :>

  7. abLa Noura كتب:

    شريت الكتاب وبصراحه ماعجبني مافيه شي والكورن دوغ كان ببالي اسويه بس شنو طحين الذرة ماعرفة؟

  8. bent el deera كتب:

    abLa Noura***********تصدقين اني عكسج شفت الوصفات اللي فيه سهله ويازتلي جم وصفه :>طحين الذره تحصلينه بمركز سلطان يكون اخشن من الطحين العادي ويعطي قرمشه بالاكلتقدرين بعدين تحطينه بصينيه الفرن تحت البيتزا عشان لا تلزق بالصينيه او تسوين فيه خيز اسمه خبز ذره طعمه يكون مثل البسكوت :>

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s