حديقتي الصغيره…

وايد احب استخدم الاعشاب الفرش بالوصفات وخاصه سوالف الباستا والبيتزا والستيكات بس المشكله انها تخترب بسرعه عندي فاضطر اشتري شتله حق كل وصفه

مره من المرات شفت ببرنامج نفس الفكره وحبيت اطبقها… تحتاجون بس كرتون خشب ( انا اخذت سحاره الطماط السوري ) وجرايد وسماد وشتلات الاعشاب

طبعا اذا عندكم اصيص غزير تقدرون تستخدمونه
اخذو السحاره وغطوها بجرايد ( لحد يسالي ليش انا شفتهم جذي يسوون ) وبعدين حطو سماد وتراب اذا متوفر عندكم وبعدين شيلو الشتله بسمادها وغرزوها يمهم وغطوها بباجي السماد واسقوها ماي وتصير عندهم حديقه صغيره نفس حديقتي وبتعمر لكم اطول من الشتله :>

طبعا هذي كانت تجربه و الحين عندي سحارتين متروسين اعشاب :>


Advertisements

6 Comments اضافة لك

  1. Anonymous كتب:

    من وين الشتلات ؟ و شنو اكو خضرة ؟شكرا

  2. bent el deera كتب:

    غير معرف ********تحصلون الشتلات باي سوبرماركت ( مركز سلطان او لولوماركت او كارفور او جيان ) او صوب المشاتل :>وتحصلين اعشاب كثيرهمنها الريحان الايطالي ( بيزل )الزعتر الصغاراوريغانوروزماريشايفز

  3. ri7ana كتب:

    عاد امس اسولف مع الوالده اقولها وحده مدونجيه > مصطلح يطلق على اللي يدونون .. تستخدم اعشاب فريش واحنا بيتنا تقريبا بعيد نسبيا عن الاماكن الي ذكرتيها وافكر اني اجفف الاعشاب بس فكرتج عجبتني حده حده خصوصا ان اهلي من اصدقاء البيئهمشكوره عالفكره الجهمنيه 🙂

  4. bent el deera كتب:

    ri7ana*******حبيبتي انتي المشكووووره :**سلميلي على الوالده وبشريني بنتايج التجربه :>

  5. سجود كتب:

    نقدر نحطها داخل البيت ولا لازم بره في الشمس

  6. bent el deera كتب:

    سجود****انا حاطتهم داخل المطبخ يم الدريشه بس اذا تحبين تحطينهم برا ماعتقد بيضر :>

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s