فطور او ريوق · فطور او ريوق-حمسات ريوق · فطور رمضان و ريوق و سفرات كاملة · المقبلات والاطباق الجانبيه · الزهره او القرنبيط · السندويشات · اطباق جانبية

ساندويشات الزهره او حمسه الزهره ( قرنبيط )…


هالوصفه تقدرون تاكلونها مع خبز او خاليه مع سلطه … اذكر مره اني ذقت مسقعه الزهره وهالسندويشات طعمها وايد قريب منها… الصبار بالوصفه مو ضروري وتقدرون تسبدلونه بعصير الليمون ( اذا بتضيفون الليمون ضيفو شوي ماي وتاكدو ان كل شي استوا سكرو النار وحطو عصير الليمون عشان لا يصير مر ) .. وهم تقدرون تمسحون الخبزه بمايونيز وتضيفون لها خس مع الحمسه

المقادير  حسب الرغبه :
زهره مسلوقه نص سلق ( ماي وقفشه صغيره ملح وحليب بودر لاني مره قريت ان الحليب يشيل الغازات من الزهره )
بصله صغيره مفرومه
قفشه صغيره متروسه ثوم او حسب الرغبه
ملح وفلفل اسود وكمون حسب الرغبه
قفشتين كبار معجون طماط
ربع لي ثلث كوب ماي
صبار او عصير ليمون
زيت زيتون 

الطريقه:
نذوب الصبار مع الماي
نحمس البصل لين يذبل ويتغير لونه وبعدين نضيف الثوم والبهارات والزهره مع المعجون والماي والصبار ونخليهم على النار لين تنشف الصلصه وتستوي الزهره وبعدين تحشونها حسب الرغبه بالسندويشات او تاكلونها مع سلطه جرجير وزعتر اخضر :>




Advertisements

4 thoughts on “ساندويشات الزهره او حمسه الزهره ( قرنبيط )…

  1. يم يم تسلم ايدجعاد ولله انا اتحسف عالزهره لما اتكود ماعندي لها وصفات ونادر ما استخدمها بس احبها لذيذهوبجرب وصفتج

  2. ri7ana******الله يسلمج حبيبتي :>عيل بشري بنزل لج وصفات زهره لا تعد ولا تحصى ههههانا اكثر شي استخدمها حمسات او بالشوربه او بالفرن مع المشاوي اذا تحبينها بمكان ثاني عطيني خبر :>

  3. عطينا وصفاتج مانقول لاانا اسوي منها ساعات حمسه فلفل وساعات اسلقها واسويها مع سلطه من اختراعاتي وعلى يوم بحطها بالمدونه مالتي 🙂

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s