my bookshelf

كتب طبخ يديده الجزء الثاني …

نكمل باجي كتب الطبخ اللي شريتهم … جزء اخذتهم من مكتبه لندن والجزء الثاني من العجيري وكلهم بحولي :)… بقيمهم من وجهه نظري بناء على صور الوصفات والمقادير لاني للحين ما طبقت شي :>

  • كتاب طبخ بيت لبنت عبدالله : وايد وايد سمعت عن كتبها وكل من يمدح فيهم وشلون مخلصه من كل السوق… شريت من قبل جم سنه الجزء الاول وما حسيت في شي يديد اغلب الاطباق اللي فيه موجوده بالنت .. الجزء الاول والثاني مو موجودين بالسوق مو موجوده غير هالنسخه حاليا وتوها منزلتها قريب.. بالنسبه حق تقيمي للكتاب هالنسخه احلى من الجزء الاول وفيها سوالف يديده وصور الوصفات اوضح من الاجزاء القديمه بس صراحه احس ان سعره غالي مقارنه بالاطباق الموجوده فيه خاصه ان اغلب الكتب الكويتيه اليديده اسعارها ما تتجاوز ال6 دنانير وفيها وصفات اكثر وهذا ب 9  

  • كنوز الطبخ لامل الاربش: الصور جدا فقيره والوصفات اغلبها عاديه..بصراحه اخذته لاني لقيت وجم وصفه خبز حابه اجربها برمضان ان شاء الله  بس يوم تصفحته عدل تحسفت …وسعره اذا ماني غلطانه ب 5 

  • مجله فتافيت شهر رمضان: متنوع واغلب الوصفات اللي فيه شاميه لبنانيه حلبيه مصريه والصور حلوة بس ما فيه شي يديد .. سعره 8 دنانير وانا حبيت فيه قسم مخصص حق وصفات مرضى السكري 

  • كتاب افكاري باطباقي الجزء الخامس لبتول الكندري : تصفحته على السريع … حسيته بمستوى اصدراتها السابقه يعني يسوا الوحده منا تشتريه .. يعني وصفاتها فيها فناتق و بالنسبه لي انا احب سلطاتها  واحس الفرق هالسنه  انها  زايده قسم الحلو بالكتاب وصراحه نسيت سعره بس جنه ب5 ونص
Advertisements

8 thoughts on “كتب طبخ يديده الجزء الثاني …

  1. بالعكس كتب بنت عبدالله الأجزاء الأولي وصفاتها من كثر ما إهي حلوه قامو يسوون ويحكون وصفاتها بالنت والثالث بصراحه واااااااااايد روعه يهبل وإهي معروفه إنها أكثر وحده وأكثر كتاب فيه وصفات

  2. غير معرف **********مشكوره لانج شاركتينا برايج :>وحياج الله حبيبتي بس لو تلاحظين انا ماذميت وصفاتها لاني ماقط جربتها بالعكس قاعده اقول ان في الكتاب اكو وصفات شكلها حلو ويديد انا كنت اتكلم عن الكتاب وعن رايي بسعرهبالنسبه لكميه الوصفات سمحيلي ما عديتهم جم وصفه بالضبط بس كتبت اللي لاحظته وانا اتصفح كتابها مع اني اعتقد ان المطاحن وفتافيت وهيل وزعفران اكثر منها عموما اذا الجمله وايد مضايقتج الحين بمسحها :>

  3. مشكوووووووورةما احب اصدارات فتافيتمع اني احب هالقناه واطبق منهاالا ان تنصدمين بالمحتوى الاشياء البسيطة بالكتاب والي تبين مو موجود انا شريت منهم كتاب عربي كل يوممن اي مكتبة اشتريتي كتاب بتول الكندري؟

  4. بيرفت كونتيسا****************اخذته من مكتبه العجيري :>واتوقع تحصلينه بكل المكتبات حتى بمكتبات الجمعيه اتوقع موجود :>

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s