ميني برغل كب

لا اله الا الله  احنا باخر ليلتين بشعبان…الله يبارك لنا ولكم برمضان ويعينا على طاعته وعبادته وحبيت اهنيكم كلكم بقدومه وكل عام واحنا الى الله اقرب ان شاء الله :>
هالحركه سويتها تجربه حق فطورنا  بناصفه شعبان وطلعت حلوه وحبيت اشاركها وياكم.. مو الا تلتزمون بعجينتي تقدرون تستخدمون اي نسبه من البرغل واللحم… انا ذاكره غير هالوصفه وصفتين ثانين بالبلوق
هالوصفه استخدمت كميه البرغل ضعف كميه اللحم بس اذا تحبونها متساويه بتطلع حلوة بعد.. بس اذا كان البرغل وايد رح تحسون انها اسهل بالتشكيل
الحين تقدرون تكبرون حجم الكبه وتغيرون الحشوه تقدرون تحشونها حمسه لحم وبالقمع تضيفون اللبنه … حمسات مشروم .. الشاورما وصلصه طحينه …دياي … انواع جبن مبشوره مع بعض يمي يمي مع لحم محموس …محمره … انواع فلفل محموسه بصلصه ثقيله… بطاط وكزبره وثوم … يعني شكلو حسب رغبتكم
انا حشيتها جبنه ولبنه وكانت حلوه وان شاء الله المرات اليايه بحط حشوات ثانيه
اذا عندكم قوالب سيلكون مرح تواجهون اي مشكله انكم تطلعون الكبه بس اذا عندكم قوالب نفسي اما انكم تغلفونها بنايلون او انكم بطرف سكين ناعمه تطلعونه او جربو ترشون نون ستيك سبراي (( انا ماجربته بس اتوقع يطلع ))
نبتدي بسم الله المقادير:
ربع كيلو لحم هبر
نص كيلو برغل مخلوط
بصله متوسطه
ملح
دارسين
اعشاب حق الكبه ( حبق ومرقدوش ونعناع )
بهار كبه
جم حبه ثلج
الطريقة:
نفرم البرغل مره واللحم مره مع البصل ونعجنهم ونرد نفرمهم  مع الثلجونرد نعجنهم ونضيف لهم البهارات  والملح والاعشاب ونبردها بالثلاجه
نسويهم كور صغار ونشكلهم ونحطهم بقوالب الكب كيك الصغار عشان تحتفظ بالشكل وبعدين نثلجها
نطلعها من القوالب ونقليها ونحشيها باي حشوه تحبونها… بس اكلوها على طول لانها مو حلوه بارده
Advertisements

4 Comments اضافة لك

  1. ROro Mania كتب:

    شكله يشوق عحيييييييب :)مشكوره خيتو عالوصفه بحاول اجربها

  2. Hope كتب:

    السلام عليكمتسلم ايدجما شاء الله شكله وايد حلوو الفكره حلوه

  3. بيرفت كونتيسا كتب:

    تسلم ايدينججربيها بالفلافل حلوةانا اشتري جاهزة واقصها بالنصوافرغها شوي واحشيها لبنة

  4. bent el deera كتب:

    بيرفت كونتيسا**************مشكوووووره على الاضافه القيمه :>

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s