شطيره اجبان بنت الديره…

طبعا سميتها شطيره لانها ما تصلح تتسمى لا بيتزا ولا فطيره خخخخخ
صراحه خواتي وايد حبوها سويتها مرتين وهم بقريش رديت وسويتها
العجينه الجاهزة اخذتها من لولوهايبرماركت تيي طريه والاوروغولا من نفس المكان بس اذا مو متوفره تقدرون تبدولنها بجرجير… الزبده بالثوم تقدرون تاخذونها جاهزه او اللي تيي مع البيتزا من باباجونز
صدقوني هالوصفه لذيييييذه
جربوها
المقادير:
قاعده بيتزا اخذتها طريه مو مثلجه

جبن ابيض حسب الرغبه

شرايح جبن موتزريلا

جبن تشيدر مبشور

جبن كرافت 4 اجبان للبيتزا … هالجبن لذييذ ويميع بطريقه جدا حلوة

جبن بارميزان مبشور

جرجير او نوع خضار مشابه له اعتقد اسمه روكيت او اوروغولا .. فيه نفس لذعه الجرجير

زبده بنكهه الثوم ( او قطعو شرايح ثوم وخلوها على النار مع زيت زيتون وبعدين ضيفو زيده وتقدرون تضيفون رقائق فلفل احمر اذا تحبونه سبايسي )

شرايح طماط صغير

شرايح مشروم صغير ( اذا عندكم انواع مشروم بيطلع احلى واحلى)

اعشاب مجفف او طريه حسب الرغبه

ملح وفلفل اسود

الطريقه:

ناخذ قاعده البيتزا ونضيف نمسحها بالزيت المنكه ونحط الا جبان عليها حسب الرغبه.. انا هني حطيت جبن الابيض مع التشيدر و الاربع اجبان مع البارميزان … كثرو كثر ما تحبون العجينه سميكه وتستحمل اللي بييها هههه واخر شي الموتزريلا

وتقدرون تضيفون الموتزريلا وتدخلونها الفرن او تحطون الطماط والمشروم والاعشاب وبعدين الموتزريلا وتدخلونها الفرن
 
بعد ما نطلعها من الفرن اما ناكلها مثل ما اهي او نخلط الاوروغولا مع زيت وليمون وجبن باميزان وفلفل اسود ونحطه على الويه وبالف عافيه
Advertisements

6 Comments اضافة لك

  1. captain khalid كتب:

    تسلملنا اييدج .. شكله اقوى شيييييييييي يشهي .. وباين انه طعمه لذيذ..^^

  2. bent el deera كتب:

    حياك الله اخوي :>

  3. Anonymous كتب:

    حياتي اشكرج ع الوصفات الخطيرة .. اذكر اني شايفة موقعج من زمااان واليوم واناافرفر بالنت صدته بالصدفه .. حيييييل استانست لما شفته (نوني من السعودية )

  4. bent el deera كتب:

    نوني من السعوديه******************ان االلي اشكرج على مرورج وتعليقج عندي حياج الله انتي وكل اهل السعوديه :>واتمنى زياراتج دوم عندي ما تنقطع :>

  5. التنبيهات: قريش | My Kitchen

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s