قلت لازم انزل هالوصفه قبل لا انزل سفره الفطور ( لاني ما اصور كل يوم ) … هالوصفه صراحه وايد عجبتني .. سويتها امس على الفطور كتجربه بس يازلتي وصارت وصفه معتمده
اخذت مقدار التتبيله من ام ناصر om naser_64 عسى الله يطول بعمرها ( اتوقع الحين تدرون شكثر احبها واحب وصفاتها ) ولعبت فيها شوي وحطيت بويهها طحينه
اللحم المستخدم اهو نفسه البفتيك .. كانت حاطه دهنه او ليه على ويه الشاورما بس انا ما حبيت هالاضافه واستبدلته بزيت الزيتون
انا بذكر مقداري اللي اهو هالصحن اللي تشوفونه قبالكم + صحن صغيرون حق الخدم
صلصه الطحينه سووها حسب اللي تحبونه انا خلطت روب وهرده وعصير ليمون وملح وماي على النظر بس سويتها خفيفه عشان تتغلغل باللحم
المقادير:
ربع كيلو لي 300 غ لحم بفتيك مقطع شرايح
نص قفشه كبيره ملح
قفشه كبيره بهار الشاورما ( اخذته من مطحنه الرفاعي بجيان .. ينن اخذوه وانتو مغمضين حق شاوما اللحم والدياي والحمسات السريعه )
قفشه كبيره خل
قفشتين كبار زيت زيتون
رشه مسمار ناعم
رشه فلفل اسود
بصله مقطعه مكعبات
نص طماطه شرايح
ربع فلفل اخضر شرايح
صلصه طحينه
الطريقة:
نخلط اللحم مع الملح والبهار والفلفل الاسود والمسمار والبصل والخل والزيت ونفركهم بيدنا عشان نتاكد انهم تمازجو ونخليهم يتبلون فتره ( انا خليتهم ساعه تقريبا )
يا اما ندخله الفرن ثلث ساعه لين يتحمر الويه ونحمسه لين ينشف ماي الصلصه مع الطماط والفلفل
او على طول نحطه بالمقلاه مع الخضار ونخليهم لين ينشف الماي ويستوي اللحم
وعند التقديم نحط صلصه الطحينه بالويه وتقدرون ترشونها ببقدونس مفروم
وبالف عافيه
My Kitchen 
هاي الوصفة صعبة اهىء اهىء..طرشيلنا بيتنا .. ههههههههههربي يعطيج العافية^^
تسلم ايدج انا مره جربت الشاورما الجاهزه واضفت عليها بهارات ولاعت جبدي لانها طلعت زفره مادري انا نفسي شينه بالاكلبس بجرب شاورما لحم لاني احب اللحوم نسوي طبخاته بالبيتوبهار الرفاعي ماجربته بس حطيته باللستهعليج بالعافيه بعد قلبي
ابي ابيبالعافية
captain khalid***************يا ليتك قريب جان طرشتها… حياك الله اخوي :>والله يعافيك من كل شرri7ana*******تصدقين انا جربتها بالصدفه ليش كان عندي بفتيك وخفت يخترب ودورت وصفه شاورما يديده بس هذي سهله وما فيها تعب وايد حبيتهابهار الرفاعي اختي ام حسون اللي دلتني عليه وصج يهبل بالشاورما مفكره اروح لهم واجرب انواع ثانيه من بهاراتهم :> طز بالرجالة*************يا بعد عمري عمرج.. ولا يهمج اول ما تنورين الديره رح اضيفه لج ببوفيهج :****برزه يم الحبول ههههه