بهالفطور كنا بس 4 ابوي وخواتي الصغار وانا … الوصفات اغلبها موجوده بالبلوق واللي مو موجود ان شاء الله بذكره
تشريبه كراعين … موجوده بالبلوق
سلطات مشكله… كول سلو وجرجير وسلطه مشكله
الدريسنغ كله جاهز ( بلسميك وخلطه الكول سلو والخضار المشكله حطيت لها ملح وليمون وزيت )
كل وحده منا كانت تبي سلطه هههه
وفته دياي تلقونها موجوده بالبلوق
مقالي
سمبوسه خضار و كبه بطاط وكبه عيش .. تلقونهم بموضوع رمضان العام
سمبوسك منزليه و اصابع موتزريلا للاسف ما نجح معاي بالقلي
كبه مقليه وصلصه طحين للي يحب ياكل معاها
صوره اوضح لفته الدياي وبرياني ربيان كلهم موجودين بالبلوق
وبطاط مقلي
والحلويات
لقيمات دبس يم يم يم .. يايتنا من خاله ابوي تسلم ايدها
وتيراميسو اخذت الوصفه من مجله فتاقيت اليديده بس طلعت مو حلوه
وعلينا بالعافيه .. الله يديمها علينا من نعمه ويحفظها من الزوال
My Kitchen 
عليكم بألف ألف عافيه شكلها تشووق السفره مشكوووره على هالبوستات الحلوه
انت شفيج مع الحلويات هاسوي كريم كراميل و اشياء ما يبي لها طبخ مثل كيكة مصففة مع كريم و فواكة مثل باجي الكويتيات و يقولون اختراعنا
Unique Girl*************الله يعافيج الف الف مره مشكوووره حبيبتي :****
طز بالرجالة*************هلاااا سويتيشفتي انا مع الحلويات فر وكربالعكس سوالف الثلاجه ما تمشي معاي انا يبيلي حلو يتفاعل مع الحراره والافران عشان يضبط معاي ههههههوعلى سالفه الاختراع مره مرت اخوي يايبه حلو من وحده تخيلي بسكوت ودانيت ككاو (( اعرف طعمه عدل كنت طايحه فيه ايام الحج )) وتبيعه هههههه