فطورنا 4,,, حياكم الله

هالمره صورتها بيمعتنا وكان لويا .. بتلقون بنت اخوي واخوي صورهم طالعه هههه :>
المقبلات كانت مقالي :كبه بطاط بالجبن وكبه عيش وخبز عروق… الوصفات موجوده بالبلوق بتجهيزات رمضان العام
خبز عروق وسمبوسه مشويه… طلعو احلى من المقلي
سلطه خضار مشكله الدريسنغ ليمون وملح وزيت وخردل بس خليته على كتر واللي يحب يضيف له
كبه بلبن … استخدمت هالمره الوصفه الاولى وبتحصلون غيرها 3 وصفات  :>
هريسه من مرت اخوي
مجبوس دياي من مرت اخوي  :>
تشريبه كراعين :/
والحلو قطايف جبن كيري وقشطه المراعي ومكسرات جوز ودارسين وجوزهند  و كنافه  بالجبنه.. خلصت اللون اللي عندي عليها هههه  :>
طريقتها انتف فرك الكنافه عدل وازيدها سمنه المراعي بنكهه الزبده وااايد حلوه بهالسوالف
اقسمها ثلثين ثلث اخليه وثلثين الونهم بصبغه بودر واحركهم لين اتاكد انه تلون كله
احط الجزء الملون بصينيه الفرن واضغطها عجل وبعدين اضيف له جبن عكاوي منقوع ومافيه ملح ( انا حطيت تقريبا نص كيلو ) مضاف له قفشه صغيره  ماي زهر وشوي جبن موتزريلا عشان يتمغط
واخر شي باجي الكنافه وادخلها الفرن تقريبا ثلث ساعه وبعدين اسقيها شيره بارده وازينها بفستق حلبي … كانت صج يم يم
والحمدالله رب العالمين .. الله يديمها علينا من نعمه 
Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s