سويت هالوصفه لمن كنت حايره بالرطب اللي عندنا… كل اللي نعرفهم يتنقصون لنا خلال وصارت كميه الرطب الناتجه منه كبيره… سويت تشيز كيك بطريقه بتول الكندري بكتابها الاخير وطلعت حلوه… بس انا مالي قلب كل مره اسويهم ميني جان احطهم بقالب البسكوت الجاهز (( سولفت لكم عنه بموضوع تشيزكيك الفرن)) او اذا مو موجود عندكم حطو علبه بسكوت دايجستف مطحون مع 100غ زبده مذوبه بتعطيكم نفس النتيجه
التوفي اللي حطيته بالويه ماخذته من ماركس سبنسر صراحه اكثر توفي احبه لانه يشبه اللي اسويه بالبيت بالضبط من غير حوسه
المقادير تكفي هالقالب :
3 بيضات
10 حبات كيري
قفشه صغيره فانيلا
دارسين ناعم للويه
نص كوب شكر
شويه زعفران
توفي للويه
وتكيد رطيب
الطريقه:
نشيل الطعام من الرطب ونصفه فوق قاعده البسكوت
نخلط الجبن والفانيلا والبيض والشكر والزعفران ونحطه فوق القاعده ونرشه زعفران وندخله فرن 180 درجه لين يصك انا خذا مني تقريبا 40 دقيقه بس انتو شيكو عليه بعد نص ساعه
نتركه لين يبرد وبعدين ندخله الثلاجه 6 ساعات وكل ما طالت المده صار طعمه احلى
وعند التقديم نزينه بالتوفي وبالف عافيه
My Kitchen 
thanks a lot ..bajarebha enshalla it sounds so easy 🙂
wow shakelha 7adha lathetha
herأي وايد سهله وسريعه وان شاء الله تكون على ذوقج مشكوووووره حبيبتي Tazmaniaمشكوره حبيبتي عيونج الحلوة :**
ماشاء اللهتسلم ايدينجودي اقولج بجربها بس انا فاشلة بالحلويات
بيرفت كونتيسا**************الله يسلمج حبيبتيوصدقيني مو اكثر مني بس هذي سهله وما يبيلها شي :>