سلطه الباستا مع الهوت دوغ

او مثل ما اسميها بالبيت سلطه امريكانا… السالفه وما فيها ان فكره هالسلطه كانت غداي او عشاي في قبل جم شهر
كنت اخذ سلطه امريكانا الباستا  اشوي الهوت دوغ واشيل الخيار من السلطه واقصص الهوت دوغ  واخلطه وهم هم اكلها 
الدريسنغ مالهم حلو … وصراحه ما كنت عارفته لان مكونات السلطه وايد بسيطه  بس يوم سويت دريسنغ اول سفره نزلتها برمضان اكتشفت ان الدريسنغ وااااااايد مقارب له اذا مو نفسه…الدريسنغ لقيته بقصاصه ورق بخط ايد امي لوصفه  كانت تخلطها مع البيديان المقلي والبقدونس وتزيدها شوي شطه وتنوكل مع الخبز …  وانا ما عمري ذقتها لاني ماحب البيديان 
المهم من كثر ما حبيت الدريسنغ صرت كل يوم اسويه .. انا احط فص ثوم مهروس مع قفشه صغيره مسترد وربع كوب عصير ليمون ومثله زيت زيتون وملح ورشه فلفل اسود وطبعا تقدرون تزيدون وتنقصون على هواكم وميزه هالدريسنغ اذا تم لي ثاني يوم يصير مركز اكثر واحلى
 احلى هوت دوغ جربته اهو هوت دوغ امريكانا المثلج  ..الحين السلطه جدا بسيطه والمقادير اللي بذكرها بكميه اللي تشوفونها بالصوره
كوب او ربع جيس باستا حلزونيه
شده جرجير مغسل ومقطوعه ساقه
قفشه كبيره متروسه زيتون شرايح
ربع كوب جبن ابيض ماركه المراعي قليل الملح
رشه اوريغانو وزعتر
رشه جبن بارميزان مبشور
جم حبه طماط شيري
حبتين هوت دوق hot dog مشويه ومقصصه بالورب
نخلط كل المكونات ونرش عليهم الدريسنغ بالكميه اللي تحبونها… واذا بتقدموناه للفطور خلطو كل المكونات مع الدريسنغ وقبل الاذان بشوي اشوو الهوت دوغ وحطوه بالسلطه عشان لا يبرد  وبالف عافيه 

6 thoughts on “سلطه الباستا مع الهوت دوغ

  1. يقول اقصوصه:

    يم يمشكلها تشهيتسلم ايدينجرمضان كريممبارك عليكم الشهروكل عام وانتم بخير🙂

  2. يقول أم الشموس:

    ياربي ماحب الهوت دوج ومادري بصراحة كيف تاكلونه .. وحدة مالت أوووول ومشكورة حبيبتي على وصفة المشروم المحشي بالدياي .. اهلي وايد حبوه

  3. يقول bent el deera:

    اقصوصه********حبيبتي علينا وعليج يتبارك والله يتقبل صيامكم وقيامكم وطاعتكم وعيدج مبارك مقدما :***حياج الله حبيبتي :>

  4. يقول bent el deera:

    أم الشموس **********وي عيل انا احبه هههه وعليكم بالف عافيه حبيبتي ونستيني :>

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s