ام علي بالمكسرات

من الحلويات المفضله عند ابوي الله يطول بعمره …وقبل جم يوم كنت اشوف برنامج مطبخ هنوف وتشوقت اسويها .. الحلو بهالحلو ان المقادير كلها على النظر… انا ما احط الكشمش بالخلطه لاني اخاف الحليب يغلي والكشمش موجود فيه وادش باشكال حلال وحرام
انا احط نص كوب شكر بس اللي يحب حلالها اكثر يزيده وابوي الله يحفظه ما يحبه ناشف فازيد كميه الحليب عشانه
المقادير:
علبه قشطه نستله
نص اصبع زبده او ربع كوب سمنه
لتر حليب
نص كوب شكر
مكسرات حسب الرغبه ( جوزهند وفستق ولوز وصنوبر وبندق )
كشمش للويه
جلاش حسب الصينيه
رشه دارسين ناعم حسب الرغبه
الطريقه:
نخلط الحليب والزبده والشكر والقيمر على النار ليما يغلي
نحمص الجلاش  ونضيف له المكسرات  والدارسين ونصب فوقه خلطه الحليب وندخله الفرن لين يثقل شوي  ويتحمر الويه ويتزين بالمكسرات والكشمش وينوكل بالف عافيه

3 thoughts on “ام علي بالمكسرات

  1. يقول طز بالرجالة:

    يم يمبس شنو حلال و حرلم حليب و كشمش؟بعد ما يصير كحول..هذاك مو يبي له تخمير؟

  2. يقول bent el deera:

    طز بالرجالة***********الله يسلمج يا قمرهانا جني سامعه التمر والكشمش اذا انحطو بسائل وانغلو لازم انطر الثلثين يتبخر والا بيكون حرام

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s