اطباق رئيسية · اطباق رئيسية- لحوم · اطباق رئيسية- اطباق الارز او العيش

محاشي مشكله …

مقداري بالخلطه بحشوه المحاشي ماغيرها باي نوع سواء بصل ولا كوسا ولا فلفل…. اكتشفت لما احطهم كلهم بجدر واحد النكهه تكون وااايد احلى… الصلصه قدمتها بروحها حق اللي يحب ياكلها معاها
في شغله احب اذكرها… اذا عندكم جدر تطبخونه فيه وتقدومونه بيكون احسن لان عمليه النقل بتخرب شكلها مثل ما انتو شايفين والشغله الثانيه انا احب احط ثقل على الجدر واخليه يطبخ ساعتين الى 3 ساعات اذا ما تحبونه يكون ذايب تقدرون تقللون الوقت واذا بس كوسا من غير ثقل تقدرون تطبخونه.. لب الكوسا احطه بقاع الجدر عشان يثقل الصلصه وعشان يسوي لي حماية للمحاشي
المقدار اللي بذكره بيعطيكم دبلوه حسب الكميه اللي عندكم
ربع كيلو لحم مفروم
كوب عيش صنوايت منقوع
نص كوب طماط مفروم واذا تحبون العيش لين حطو كوب
كوب بقدونس مفروم
كوبين بصل مفروم
رشتين نعناع مجفف
قفشه كبيره بهار مشكل
بهارات مشكله ( هيل وفلفل اسود و كركم ولومي ناعم ودارسين ) كلهم حطيتهم بطرف القفشه مو وايد
4 قفاش صغار زيت زيتون ( تستخدمونه اذا اللحمه ناشفه )
ملح
ماجي لحم
شرايح ثوم
معجون طماط وطماط وصبار وماي مخلوط بالخلاط ( الصبار تقدرون تستغنون عنه)
خضار مشكله  ( كوسا وبطاط وفليفله )
الطريقة:
نفرك البصل المفروم بالبهارات وبعجين نضيف اللحم والطماط والبقدونس والعيش ونتبله بالملح ورشه النعناع ونخليه على كتر
نقور الكوسا والبطاط وننقعهم بماي مملح 10 دقايق  وبعدين نقلبها بالمشخل بحيث الفتحه تكون لي تحت (( لا تسالوني ليش امي الله يرحمها كانت تسوي جذي ))
ننظف فلفل ونشيل البذور والجزء الابيض لانه يسبب مروره بالمحاشي
اذا بتسوون بصل الافضل يكون الابيض .. بالسكين دخلونها بنص البصله من غير ما تقصونها بالنص وبعدين سلقوه شوي بماي حاروشيلو الطبقات
الطماط انا ماحب احطه لانه يذوب ويتلف الدنيا بس اذا بتحطونه نقو الحجم الكبير والطماطه تكون يابسه عشان تتحمل الطباخ
بعد ما زهبنا الخضار نحشيهم بالحشوة
بجدر والافضل يكون من النوع الثقيل نحط لب الكوسا وشرايح الثوم و ماجي اللحم ونصف الخضار فوقه وبعدين نحط صحن وفوقه ثقل عشان لا يتحركون من مكانهم ونضيف خلطه الطماط وملح ونتركه على النار بالبدايه حاره وبعد ما يغلي نوطيها لين تستوي المحاشي وقدموها بالف عافيه
جربوها صدقوني … المحاشي اذا سويتها ما تظل منها ولا حبه :>
Advertisements

6 thoughts on “محاشي مشكله …

  1. Thank you! I'm pregnant o kil yom mishtahya shay. today ishtahait ma7ashi o re7t sawait 6areeqtich I'm waiting nowmashkoora 3al recipenice blog

  2. 40weeksorless **************حياج الله حبيبتي :**عليج بالعافيه والله يسهل عليج حملج يا ربان شاء الله الوصفه تكون على ذوقج وبشريني بالنتايج :>

  3. 40weeksorless**************حبيبتي عليج بالف الف عافيه واضافاتج صراحه غنيه عليج بالف عافيه وتسلم ايدج :>

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s