اول شي عيدكم مبارك
لا اله الا الله مشى الشهر الله يعوده علينا وعليكم بصحه وعافيه … والله يتقبل منا ومنكم
هالوصفه جدا لذيييييذه وتصلح بالاعياد… انا ادري اغلب البيوت تكون طالبه غدا العيد من برا بس ما يمنع اللي يحب التغير عن مجبوس العيد تجربون هالوصفه
الدياي بهالوصفه لازم يكون كبير انا سويت صينيتن من اللي تشوفونهم … كل ديايه 1100 غرام وتقريبا فخذ لحم كامل فيه 3 كيلوات … طريق الدياي المحشي اللي بسويها يديده بس اللي تبي الطريقه التقليديه تحشي الدياي وتربطه وبعدين تسلقه
شي ثاني انا سلقت اللحم بروح وبعدين سلقت فيه الدياي اللي ما يحب هالخطوه يستخدم مكعبات ماجي مع ماي السلق
شوفو هالطريقه شلون تطلع الحشوه مفلفله لذيذه…
المقدار كبير قللو منه على كيفكم … انا ذاكره الفريكا البسيطه من قبل تلقونها بالبلوق اذا تحبون ترجعون لها
علبتين فريكا خضرا مغسوله ومنقعه تقريبا فيها 4 جيلات
مكسرات حسب الرغبه ( صنوبر ولوز وكاجو )
لحم هبر من الفخذ مسلوق مع بهارات ( 4ورق غار و 20 فلفل اسود و 15 حبه هيل و4 اعواد دارسين وبصلتين مقطعين ارباع )
ديايتين مغسولين بطحين وخل عن الزفر
كوب لحم مفروم
4 بصلات مفرومه خشن وبصله صغيره مفرومه ناعم وبصلتين حق سلق الدياي
بهارات عدله ( نفس بهارات سلق اللحم وزياده عليهم جم حبه مستكه)
كمون
فلفل اسود
دارسين ناعم
بهار حلو
سمنه
ملح
الطريقه:
اول شي نشخل مروق اللحم ونزيده بهارات وبصله ونسلق فيه الديايه نص سلق او ثلاث ارباع ( او نضيف 4 مكعبات ماجي وبصل وبهارات ونسلق فيه الديايه)… يفضل ان ورق الغار والبصل يكون ببطن الديايه
نسوي الحشوة نحمس البصل ونضيف له اللحم المفروم وكوب فريكه ملح ودارسين وكمون وفلفل اسود ودارسين و بهار حلو وماي يا دوب يغطيه واول ما يغلي نوطي النار عليه كلش ونتركه لين ينشف الماي
نشخل الديايه ونشيل من بطنها البصل ونتركها لين تبرد ونحشيها بالحشوه البارده ونحطها بصينيه الفرن بعد ما نحط فيه كوب مروق عشان لا تحترق الديايه ونغطيها ببروب وبهارات ونغطيها بقصدير وندخلها الفرن تكمل سواها واخر ربع ساعه نشيل القصدير
نحمس البصل مع فلفل اسود ودارسين ناعم ونفلفل معاها الفريكه على نار متوسطه تقريبا 6 دقايق لين تتفلفل عدل وتطلع ريحتها بعدين نضيف المروق لين يغطيها ( تاخذ اكثر من العيش يشوي ) واول ما تغلي نوطي النار عليها ونخليها تتسكر بس من غير ما نحركها لان اذا تحركت قبل لا تستوي تخترب
بعد ما تستوي الفريكه تفللها بالشوكه وننجبها ونحط الدياي واللحم فوقهم واخر شي نزينها بالمكسرات .. عاد كثر ما تقدرون كثرو لان طعمهم مع الفريكه ينن واكلوها مع روب وخيار وبالف عافيه
اتمنى هالوصفه تعجبكم وتطبقونها
وكل عام وانتو بخير :***
My Kitchen 
عيدكم مباركوكل عام وأنتم بخير وصحة وسلامة
كل عام وانتي بخيروعيدكم مبارك وعسى ايامج كلها فرح و انسحبي
عيدج مبارك وتقبل الله طاعتكموعليكم بالف عافيه 🙂
Basees *********ايامك سعيده اخوي مشكور وما تقصروحياك اللهسلة ميوة *********ايامج سعيدهحبيبتي انتي … واتمنى لج مثل هالدعوه الحلوة واكثر منها :*Crazy Girl in aGood Way************************ايامج سعيده حبيبتي والله يعافيج مشكووره :>
كل عام وانتي بخير ويعطيك ألف عافية على مجهودك المميز..
لمار*****وانتي بصحه وسلامه يا حلوة :>ومشكوره يا قلبي :>
تسلم ايدينجعاد انا توني منزلة طريقة الحمام المحشي بالفريكبس بسالج شنو نوع الفريك الي تستخدمين؟
بيرفت كونتيسا**************الله يسلمج يا قمره :>بالنسبه للفريك انا اخذ الفلسطيني او الاردني تلقينه معلب وجاهز وينباع بسمراء عدن … اذا تحبين الحبه الكبيره اخذي اللي بالكيلوشوقيتيني اشوف وصفه الفريك اللي مسويتها بس حسافه كل ما احاول ادش بلوقج يطلع لي الوضع غير متاح 😦
جربي الفريك الي بكرتونة خضراانا اشتريه من مركز سلطان وستي سنتراعتقد اردني احلى من الي بالكيلووليش البوك يطلعلج غير متاحدخلي الرابطhttp://4q8yat.blogspot.com/ولا كتبي بقوقل مدونة بيرفت كونتيسايكتبلج my kingdomحياج ينور البلوق بدخولج
flona******مشكوره حبيبتي وان شاء الله ادش اللينك قريب :>انا مرتاحه مع مع اللي اخذها من سمراء عدن… بس تصدقين ما حصلت بمركز سلطان فريكا بالعلبه يبيلي ادور عدل هههههمشكوره على اللينك مره ثانيه :>