مشروم او الفطر او عش الغراب · اطباق رئيسية · اطباق رئيسية- لحوم

ستيك بصلصه المشروم والجبن .. شي خطير

 
 
هني انا بتكلم عن الصلصه وايد لذيذه وطعمها يهوس على قوله اخوانا المصريين … كان عندي باجي جبن ماسكربوني واستخدمته في الصلصه واذا مو موجود عندكم اتوقع ان جبن كيرياو اي جبن كريمي بيعطي نفس الطعم .. بالنسبه للاعشاب انا استخدمت الروزماري لاني احبه وايد مع الستيك بس اي اعشاب تحبونها تقدرون تضيفونها
..حطيت نوعين مشروم عشان يعطيني نكهه اعمق بالطبق…. جربو هالصلصه وان شاء الله بتعجبكم وبتدعون لي :>
 
المقادير:
علبه تقريبا مشروم شرايح  ( خلطو نوعين مشروم او فطر او عش الغراب احلى )
قفشتين كبار او اكثر من جبنه الماسكربوني ( ترسو القفشه عدل )
كريما ( انا كانت عندي دبل كريم استخدمتها تقريبا علبه )
فلفل اسود حسب الرغبه
قفشه كبيره خل بلساميك
مكعب ماجي بقر مذوب بشوي ماي
قفشه كبيره مسترد انا استخدمت المسترد مع الحبيبات
شويه بقدونس
زيت زيتون
شويه روزماري
رشه زعتر يابس
فص ثومه كبيره مهروسه
 
الطريقه:
نسخن زيت الزيتون ونضيف الثوم والمشروم والروزماري  لين يذبلون وبعدين  نخلطهم مع باجي المقادير بس نخلي الكريما والبقدونس اخر شي
واول ما تغلي الكريمه نسكر عليها
نكون متبلين الستيك مثل ما تحبون ( انا تبلته بثوم و روزماري و عصير ليمون وزيت زيتون ) ولما بتشونه ترشونه ملح وفلفل اسود على الجهتين وتشونه عادي …و تصبون الصلصه فوقه عند التقديم وبالف عافيه
Advertisements

14 thoughts on “ستيك بصلصه المشروم والجبن .. شي خطير

  1. هديــل******Allah ysalmech 7abebty :)w taqabal Allah … la tensena men da3watech :**Unique Girl************mashkoora 7abebty w 3tabreni e5tech w golili shino taben w ana asweeh lech 🙂

  2. مرحبا عزيزتي ..صار لي فتره ما دخلت البلووق ..وماشاءالله فيه تطورات وايد حلوة ..عجييبه الوصفه ..بس كيف سويتي الستيك ..لانه دايما يطلع عندي ناشف ويابس !!لدرجه اني تعقدت خلالالاص ما سويه

  3. flaanh *******هلا بالغاليه شلونج وشخبارج؟بالنسبه لشوي الستيك اللي يسبب انها تكون ناشفه وصعبه بالمضغ 3 اشياء … ان شاء الله رح انزل عنها بوست كامل :>

  4. السلام عليكم شلونج وشخبارج؟من زمان ما علقت ببلوقجامي مبطله موضوعج ومشوقها الستيك وتبي تسأل بس ما تعرف تعلق تقولج شنو نوع الجبن ومن وين؟ وعاجبها الصحن من وين؟ وتسلم ايدج وبالعافيج شاي الضحى

  5. شاي الضحى*********هلا حبيبتي وسوري على التاخير بالردسلميلي على الوالده والجبن من نوع ماسكربوني وتحصله بكارفور او لولوماركتاذا ما حصلته خل تستخدم فيلادلفيا او جبن كيري احسه نفس النكهه :>جربوه وعطوني رايكم :>بالنسبه للصحن اخذته من المبروك اللي بسوق السالميه :> وشفت تقريبا نفسه بمركز سلطان خليها تسال عن صحن الفاهيتا :>

  6. امبيه احبـج وايد انا بالصدفه كنت ادور صلصه المشروم وشفت طبختج وجربتهااقسم بالله عجييييييييييييبه عجيبه وايدكل اسبوع اهلي يقولون يالله سوي لناحبووووها وااااااااااااايد اشويها ع الشوايه الكهربه بصراااحهتسلمين يالغاليه عسى ربي يوفقج ياااااااااااارب:*

  7. غير معرف*********مشكوووووووووورهمشكوووره وايد وايد انج جربتيه ومشكووره انج ذكرتيلي تجربتجومشكوره انه عجبج تسلم ايدج ويعله مداخيل العافيه عليكم ما تقصرين على الحجي الحلو كلج ذوق :***

  8. السلام عليكممشكوره علي الوصفهيجنن الستيك أحبه معا البطاطبس المشكله دايما ماأضبطه مره خلطته معا كريمه ؟. ولاعرفت طريقته . وشكرا

  9. حبيبتي انا منزله موضوع عن شوي الستيكالمهم انج ما تخلينه على النار وايد وطبعا كل قطعيه ستيك لها طريقه طبخ غير :>بالنسبه للستيك مع الكريما منزله وصفه جدا لذيذه تلقينها بالبلوق وان شاء الله تعجبج :>

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s