pesto بيستو


بالنسبه لي هذي احسن وصفه بستو جربتها و تقريبا انا مجربه  5 وصفات 

بالوصفه الاصليه كان مستخدمها حق ساندويش الجبنه الموتزريﻻ المشويه .. الوصفه لذيذه وطيبه ومنظر الجبن وهو ذايب يم يم  ه
ولما عدتها مره ثانيه مع اخوي لازم الاخ يخبص ويسويها اوبن ساندويش ومن غير طماط بس هم الطعم حلو… الحين الجبن اخذوه اللي ينباع بالجيس على هيئه كور يتمغط بالحراره ويصير شحلوه 

الطلب عليها كان وايد فخلصت الجبنه واضطرينا نحط بداله جبن موتزيلا من قالب المراعي ودرجه الميوعه مالتها غير مثل ما تشوفون بالصوره

هالوصفه حلوة جدا حق الساندويشات … جربوها وان شاء الله تكون على ذوقكم






المقادير والطريقة:

ربع كوب صنوبر محمص شوي
كوب اوراق ريحان
نص كوب اوراق بقدونس
ربع كوب جبن بارميزان مبشور (( اخذوه فرش وبشروه احلى من المبشور الجاهز ))

فص ثومه صغيره
رشه ملح
ربع كوب زيت زيتون او اكثر شوي
خلطوهم مع بعض وبالف عافيه



10 thoughts on “pesto بيستو

  1. يقول ~حَدِيـثُ الفَـجْـر~:

    :")حبيت مدونج واايد وااايد هههههههههههاليوع مأثر شوي :)شكلها يشوق ماشاء الله ..بجربها ان شاء الله شكرا🙂

  2. يقول bent el deera:

    ~حَدِيـثُ الفَـجْـر***************حبتج العافيه حبيبتي :>والله يعافيج يالغلا وحياج الله دوم :> Hanan*******الله يعافيج حبيبتي :>عاد جربيها وعطيني رايج :> غير معرف***********اكيد في … اذا عشان الباستا انصحج بماركه buitoniواذا عشان الساندويشات … تقلينهم بعلب صغيره تكون مركزه اكثر :> بس للاسف ما يحضرني اسم الماركه حالياغير saclaوتحصلينهم بمركز سلطان و كارفور وجيان و لولوماركت

  3. يقول Anonymous:

    شكرا اختي بروح اشتري باجر وعلى فكره انا صبي واحب الطبخ مثل اخوي والله يخليكم حق بعض

  4. يقول bent el deera:

    حياك الله اخوي وتسلم ايدك مقدماان شاء الله تجربها وتكون على ذوقكعاد اذا سويتها بشرنا بالنتايجومشكووووووور على هالدعوه الحلوة والله يخليلك كل من تحب ان شاء الله :>

  5. يقول BonBon:

    🙂 بلوقك وايد اينن وانتي بعد اتيننين مثلهانزين اختي بسئلك الحينلما تقولين ريحان .. شنو تقصدين ؟؟ المشموم ماغيره ؟؟؟؟ او شنو لان مو عارفه :(والف شكر على هالمدونه البطله مثل راعيتها🙂

  6. يقول bent el deera:

    BonBon*******حبيبتي وجودج اللي ينن :**الريحان او البيزل او الحبق … اعتقد المشموم نفسه بس مادري اذا ورق المشموم ينوكل ولا لء :>حياج الله يا الغلا :>

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s