سلطه جرجير بالرمان 2

من السلطات المحببه جدا لي ولاختي الصغيره اخر العنقود السكر المعقود… ودايما ندور دريسنغ يديد حق هالخلطه… واليوم انا وياها مسوين تست كيتشن حق جم  وصفه دريسنغ واستقرينا عليها….  تقدرون تاكلونه مع خبز مثل الصوره او تخلونه ساده وتقدرون تضيفون له اضافات حسب الرغبه مثل بصل ابيض شرايح او تفاح اخضر او شمندراو زعتر اخضر  او جوز (( بالنسبه لي بضيف جوز بصحني لان خواتي ما يحبونه ))

بالنسبه لي من احلى لحظات الويكند  لما انا وخواتي نقلب المطبخ حق تجاربنا وعفستنا ونحاول نخترع اشياء مني ومناك ههههه… نسيت اقولكم الوصفه خدتها من النت من منتدى كويتيات وزدتها شكر وفص ثوم وملح :>

المقادير والطريقة :
2 م ك خل بلساميك
4 م ك دريسنغ  البلساميك
فص ثومه مهروسه
نص م ص ملح او اكثر حسب الرغبه
نص م ص شكر
م ك زيت زيتون
3 م ك عصير ليمون
حبه رمان
شدتين ونص جرجير
خبزه خفيفه مقطعه مربعات ومقليه
نخلط مقادير الدريسنغ ونضيفه فوق الجرجير ونحط فوقهم طبقه الخبز والرمان ونخلطه عند الاكل وبالف عافيه

Advertisements

14 Comments اضافة لك

  1. Musaed كتب:

    أحلى سلطة عندي..ماشالله الطبخات كلها مسويتها؟

  2. bent el deera كتب:

    Musaed********عليك بالعافيه عاد وايد سهله :>والوصفات اللي بالبلوق اغلبها مسويتها لان خواني مشاركين بجم وصفه :>فتطمن كلهم مجربين على مسئوليتي هههه

  3. هديــل كتب:

    بالعااافيةوتسلم ايدج :>

  4. flaanh كتب:

    وايد احبها هالسلطه ..الله يعطيج العاافية ..

  5. bent el deera كتب:

    هديــل*******الله يعافيج حبيبتي والله يسلمج :>flaanh *******الله يعافيج يا حلوة :>جربيها وان شاء الله تعجبج :>

  6. Fishah كتب:

    عاد هابين بالجرجير .. تونا نحبه انا واختيبجرب هالوصفه بعدتسلم ايدج حبوبه 🙂

  7. bent el deera كتب:

    Fishah******عليكم بالعافيه انتي واخيتج :****دام الوضع جذي عيل لازم نباشرج بجم وصفه يديده هههه :*****

  8. bent el deera كتب:

    فشوووووشمنورة البلوق حبيبتي :*****

  9. Ducati كتب:

    والله هالسلطة ماكو عليها بصراحه يم يم حدها

  10. bent el deera كتب:

    Ducati*******هلا باخوي صاحب التقارير المطعميه العجيبه :>عليك بالعافيه وصج يم يم :>

  11. No0oNa كتب:

    أحب المطبخ و أحب السلطات اكثر شي .. بس الجرجير لا يعلى عليه لان فوايده كثيره اهم شي للشعر :* يسلموو ع الوصفه بس سؤال من وين تشترين الخضره أكثر شي ؟

  12. bent el deera كتب:

    Fishah*******حبتج العافيه يالغالية :****وان شاء الله تحبين الكعبه ياااارب :>No0oNa*******الله يسلمج حبيبتي :>بالنسبه للخضار اشتريها من مركز سلطان او لولوماركت او حتى من الجمعيات :>اذا رحتي الصبح بالجمعيات تحصلين خضره فرش وتشوق

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s