معجنات وفطاير · وصفات صحيه قليله السعرات او الدهون وتصلح للرجيم · انواع الخبز والصمون

خبز كيفير …




في البدايه احب اقولكم جمعه مباركه علينا وعليكم ان شاء الله
ابوي الله يطولي عمره من جرب كيفير وهو متولع فيه…. وما عنده شغله الا كيفير وطلابه كيفير … سوه  منه كل شي لبن بنكهات و جنجريل و لبنه وجبن والحين خبز وامس يتهدد على انه بيسوي منه سموذي مادري ايسكريم … الخبز شفته بموقع 13 cup وطبقه….  بالطريقه الاصليه يخمر الكيفير مرتين بس بهالطريقه الخبزه تكون حامضه شوي عشان جذي ابوي كنسل هالخطوه ونجحت معاه وطلع الخبز احلى  وتبون الصج شكله وريحته جنه توست عادي  وعماتي وايد حبوه …


انا طبعا اساعده عشان الكيفير اللي عندنا يخلص على هالسوالف وما يزيد عشان ما يشربنا منه… لان ابوي مصدق ان هالكيفير اكسير الحياه


اللي يبي جزء من هالكيفير يدزلي العنوان على الايميل وانا اوصله الكفير وفوقهم بوسه ههههه
واللي يبي يعرف شنو هالكيفير وطريقته الفيونكات ما قصرو حاطين صور عنه بالتفصيل :>




المقادير والطريقه :
تاخذون جزء من  فطر الكيفير وتخمرونه عادي … بعدين تشخلونه وتزيدون عليه طحين بحدود كوبين وكوبين من حليب الكيفير لمده يوم واحد وبعدين تزيدون عليه كوبين طحين وقفشه شكر وقفشه زيت  ورشتين ملح  وتخلونه يخمر من 4-5 ساعات  وبعدين تحطونه بقالب مدهون وتخلونه يخمر ساعتين لي ثلاث ساعات عشان ياخذ شكل القالب وينتفش زياده  وبعدين تدخلونه بفرن متوسط الحراره بين 170-200  لمده نص ساعه 
وكلوه بالف عافيه

Advertisements

8 thoughts on “خبز كيفير …

  1. ماشاء الله شكله يشوقانا خمرته مرتين و ماصار حامض, بالعكس عطاه نكهة حلوة و نفش أكثر

  2. منوره حبيبتيومشكوره على الوصفه :>بالنسبه للخبز مادري كان فيه شويه حموضه يمكن لبن ابوي كان حامض زياده :>بنرد نجربه يخمر مرتين مره ثانيه :>يعطيج الف عافيه

  3. leena*******اهلين بالغاليه :>مادري وين ينباع بس اذا كنتي بالكويت وحابه كميه منه دزيلي رساله بالايميل وان شاء الله توصلج :>

  4. يعطيج الف عافيه.. بصراحه طحت على بولقج بالصدفه وقعدت جابلته من غير لا احس واشوف الوصفات والاكلات واتلذذ تسلم ايدج ولاايوقف .. وسيفته عندي وصار من المفضله :***

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s