فطور او ريوق · فطور او ريوق-حمسات ريوق · فطور رمضان و ريوق و سفرات كاملة · وصفات رمضانيه

بطاطا حره

حبيبتي ام مود سالتني من زمان عن مقادير البطاطا الحره… كنت اسويها على النظر وللحين اسويها على النظر… هذي المقادير التقريبيه 
غيرو اي شي ما تحبونه وزيدو الثوم اذا تحبونها مثومه زياده

البهار وااااايد حلو وهو يعطي النكهه اللذيذه .. انصحكم تشترونه اذا موجود … انا كنت اخذه من القادسيه والدسمه وصورته تحصلونه بموضوع البهارات

المقادير:
3-4 حبات بطاطس مقطعه مكعبات
نص كوب كزبره مفرومه ناعم
ملعقه كبيره عصير ليمون
ملح او اقل حسب الرغبه
ثوم مهروس حسب الرغبه وانا احبها مثومه فاحط ملعقه كبيره متروسه
م ص بابريكا
2 م ص بهار اسناد ( متبل حار )
4 م ك زيت زيتون
نص م ص كزبره بودر

الطريقه:
نسلق البطاط بماي مغلي وتقدرون تملحونه بالماي بعد ما تبرد البطاط نقليها والهدف منه عشان ما تشيل دهن وايد بالقلي وتحافظ على شكلها
نسخن زيت الزيتون ونضيف الثوم والكزبره البودر والكزبره الخضرا ونحمسهم حمستين وبعدين نضيف البطاط والملح والبابريكا وبهار اسناد واخر شي الليمون ونسكر النار ونقدمها بالف عافيه

Advertisements

13 thoughts on “بطاطا حره

  1. Unique Girl الله يعافيج يالغاليه … جربيها وعطيني رايج :***وحياج الله 🙂 DoDoq8عليج يالعافيه حبيبتي … عاد يقولون اللي بمجمع سبون وايد حلو جربتيه ؟ حياج الله يالغلا وان شاء الله تجربينها وتكون على ذوقج 🙂 sa5er هلا أخوي ساخر وعليك بالعافيه الصحن كله 🙂 حياك الله 🙂 غير معرف حبيبتي صوره البهار تلقينه بهاللينك … للأسف مو مصوره شكله من برا شلون بس إذا رديت البيت أصورلج شكل العلبه 🙂 http://aklati.blogspot.com/2009/04/blog-post_12.html

  2. حركات احلا مافي اطباقج انها سهله وحلو معاه اتوقع بودرة الكاريوشوية كركموبدال الملح انصحج بالماجي هم يعطي نكهه حلوهوالكزبره الفرش حلوووه لما تكون عالاكل على فكره انا ابي منج طبق في طبق لحن هندييسوونه المطاعم الهنديه طلع لي قروناللي اهو لحم بمرق لونه شوي مايل للسوادواللحم يكون فيه طريمره شرت اختي صلصه من جلف مارت تكون نفس المعجون بجيسهـذي اهيا بس بعدها ماقام ينزلها جلف مارتوياريت لو تعرفين الطريقه تكتبينها لنا او تسوينهامع تحيااات اخوووج محمد

  3. أميرة عربيةعليج بالعافية حبيبتي ان شاء الله تجربينها وتكون على ذوقج واذا جربتيها بلغيني بالنتيجه :> Sn3aاحلا شي ان موقعه على الصور باسمها هههههسلامتج من القهر ان شاء الله اسوي حمله احط لينك او اسم البلوق على الصورمشكووووره حبيبتي :****flaanh وانا ا حب مرورج وطلتج عنديالله يعافيج حبيبتي :> Mohamm3dهلا اخوي محمد :>اول شي مشكور على الحجي الحلو ان شاء الله كل اطباقي تعجبكمالاضافات اللي قلتها جدا مميزه وان شاء الله رح اضيفها المره اليايه عاد ذيك الساعه اسمها يصير بطاط هندي :>الاكله اللي تقصدها اعتقد روغان جوش … يمعت جم وصفه من النت وان شاء الله اطبقهم واحط بوست عن احلى وصفه :>عاد اذا ما كنت غلطانه وتطلع اهي :>

  4. يا حبيبة قلبي احرجتيني عاد غرامي هالبطاطا الحرة…لازم بسويها ما يبيله كلام …وتسلمين ..تصدقين انصدمت واحتريت بنفس الوقت شلون الاوادم جذيه بوق عيني عينك ….شي يفشل …

  5. Om MoD********اهلا وسهلا ب ام مود الغاليهشلونج وشلون عيالج ان شاء الله كلهم بخيراتمنى هالوصفه تعجبج :>كل ما اسويها اكل واثوب لج :> لا تقاطعين بالغاليه :***

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s