اطباق رئيسية · اطباق رئيسية -اسماك وماكولات بحريه · اطباق شعبيه

خلطه مرق االسمج للتفريز

احب مرقه  السمج  وبهالطريقه بتكون موجوده حزه اللي ابيها… وكل اللي عليكم تضيفون ماي وزياده معجون اذا حبيتو والسمجه  ولومي  عدل…. طبعا اي ضافات ثانيه تقدرون تزيدونها مثل الصبار او فلفل علوب و حتى اذا تحبونها مع باميه
المقادير حسب رغبتكم.. انا عاده اضيف حلبه مجففه بس اذا ما تحبونها الغوها …كميه الكزبره تكون ضعف كميه الشبن بس هالشي يعود حق رغبتكم
انا ذاكره طريقه مرقه السمج بالبلوق ما فيها اختلاف الا باشياء بسيطه عشان لا تمرمر مع التثليج
اهم خطوه انكم تطولون بالكم مع حماس الخضره لانها بتطلع لكم نكهه المرقه وااايد احلى
المقادير:
بصله
شدتين كزبره
شدتين شبنت
نص قفشه حلبه مجففه او قفشتين كبار الخضرا اليابسه المجففه مالت السمج
بهار حسب الرغبه انا احط تقريبا قفشه شاي صغيره مالت الحوس لكل من ( لومي اسود و كزبره و بهار) وقفشه وسط ( بهار السمج او بزار بحريني )
طماطتين بالخلاط مع علبه معجون طماط
وملح او اذا تحبون الغوه وضيفون بحزه الطباخ
زيت بكيمه وفيره … يعني بحدود ربع كوب او اقل بشوي … مادري شنو السبب بالضبط بس لما الدهن يكون راهي ما تسود الخضار وهي بالفريزر
الطريقه:
نضيف الزيت ونحمس فيه البصل لين يقلب لونه ويصير شفاف تقريبا وبعجين نضيف البهارات ونخلطهم ونوطي على النار ونضيف الخضار الطريه ونحمسها لين تنشف ويتغير لونها الى زيتي غامج ( هالعمليه تاخذ ربع لي ثلث ساعه ) وبعدين نضيف باجي المكونات ونخلطهم لين تنشف الطماط ويصير الخليط جنه معجون… نتركها لين تبرد وبعدين نعبيها وندخلها الفريزير لي حزه اللي تطبخون فيها
وبالف عافيه
Advertisements

5 thoughts on “خلطه مرق االسمج للتفريز

  1. تدرين هذي تنفع لشنوللشاليه او الجاخور او المخيم حلوه حيل وتكون مريحه صراحهوافكارج حلووهوناطر طبقي على احر من الجمرواذا عندج افكار حلوه حق الشاليهات والسوالف هذيياريت تعطينا عشان افتنق على اهلي لما يطلعون لوووولتسلم ايدينج وموفقه

  2. الله يعطيج العافيةبصراحة خووووش طريقةانا احب مرقة السمج واااايد بس احيانا مايمديني اويها بسرعةبهالطريقة بسويها حزة اللي ابييزاج الله خير:)

  3. Mohmm3d ********عدل كلامك … وتبي الصج انا من انصار التفريز فاحاول كل شي العب فيه علشان افرزنه وارتاح حق طبخ كل يوم :>بالنسبه للروغان جوش جربت للحين وصفتين بس هم ما طلعو نفس ما تخيلته … ان شاء الله لي الويكند يكون عندي الوصفه انزلها باذن الله :>بهالجو الحلو انصح باربيكيو وبشده وفنتق بالاطباق الجامبيه اللي تكون على السفرهحمص مثلا مع كزبره وثوم ( اخذه جاهز وزيده ثوم ومكزبره وبالخلاط او تقدر تخففه وتضيف له طماط مجفف وشوي روزماري) او صلصات يديده حق السلطات … وانصح بسلطه الباستا او اي سلطه موجوده بالبلوق ويا كثرهم ههههاعتقد اني مره ياني نفس هالسؤال وجاوبت عليه بالكومنتس وهذا اللينك :>http://aklati.blogspot.com/2010/07/blog-post_25.htmlواذا الاهل يحبون الحلو جرب وصفه البراوني مع الكوكيز وايد لذيذه وسهله كلش ما يبيلها شي واذا يحبون الجوزهند جرب وصفه الكب كيك سهله ولذيذهاذا تبي طبق حلو ويديد انصحك بلزانيا الربيان وايد يطلبونها مني بس يبيلها وقفه بالمطبخ واذا تحبون المشروم طبق المشروم اللي محشي دياي بالكريما … اهلي حبوه وكررته كذا مره لهم واذا تبي شي سهل ولذيييذ بس دسم ومن غير ادام انصحك بطبق غروب وايد حلو وسهل او الكشري بطريقتي .. جربه وصدقني بيعجبكم وتقدر تسهل الموضوع على عمرك بان تسلق الباستا مبجر والبصل هم تقليه مبجر وتسوي الصلصه ويبقى عليك العيش مع الخلطه وتسخن كل شي وتحطه فوقه فوقه هههههان شاء الله اكون افدتك

  4. الليوان*********الله يعافيج يالغاليه :>انا نفسج اعز مرقه السمج وماحب اسويها من اللي حق غدا ثاني يوم .. بهالطريقه ما على خدامتنا الا تبهر السمجه وتزيده الخلطه ماي وتضيفها على المرقه وخلاص ههههحياج الله :*

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s