روغان جوش

معنى اسمها الحرفي اللحم الاحمر لان اكو بهار معين يستخدم فيها وييبونه من كشمير يعطي اللون طبقه المميز ….هالوصفه على ما ضبطت جربت كذا وصفه في وصفات تستدعي اضافه طماط وثانيه حليب جوزالهند وطريقه يسون الماسالا بروحهم كمعجون وبعدها يضيفونها للحم  وفي وصفات يضيفون للخلطة كريما… يعني ما شاء الله وصفات اشكال والوان انا جربت كذا وحده وبالاخر استقريت عليها و طعمها مقارب جدا للمطاعم الهندية 

انا سويتها خفيفه لاني ما حب الصلصه وايد ثقيله بس بالمقادير اللي ذكرتها رح تعطيكم صلصه ثقيله نفس المطاعم اذا تحبونها خفيفه مثلي زيدوها ماي  واذا تحبون الاكل سبايسي تقدرون تضيفون فلفل علوب مفروم .. واذا تحبون الاكل مبهر بزياده زيدو من كميه البهارات

الوصفه تلقونها بهاللينك  وهني

 
المقادير:

  •   قطعه زنجبيل بحدود نص الاصبع
  • 8 فصوص ثوم
  • ربع كوب ماي بالاضافه الى كوب وشوي ماي
  •  زيت حسب الرغبه انا استخدمت تقريبا ربع كوب
  •   كيلو لحم من غير عظم مقطع قطع تكا .. الافضل تستخدمون لحم غنم بس اذا تبون تخففون الدسم تقدرون تستخدمون بقر بس طولو فتره الطبخ وطبعا تقدرون تستخدمون دياي اذا تحبون
  • 10 حبات هيل عدل بس طقوها شوي عشان تتبطل
  • 10 حبات فلفل اسود عدل
  • 2 ورق غار
  •  6 حبات مسمار
  • 2-3 دارسين عدل
  • 4 بصلات متوسطه مفرومه عدل
  • 1 م ص كزبره ناعمة
  • 2 م ص كمون ناعم
  •   4 م ص بابريكا ناعمه ( انا خلطتها مع شوي فلفل حار احمر )
  •   اذا تحبونها سبايسي تقدرون تضيفون بودره فلفل احمر بمقدار م ص
  • 1 م ص ملح
  • علبه روب
  • ربع م ص غرام ماسالا
  • فلفل اسود حسب الرغبه

الطريقة:

  • نحط الزنجبيل والثوم وربع كوب الماي ( وفلفل علوب اذا حبيتو ) بالخلاط لين ينفرمون ويصيرون معجون 
  • نسخن الزيت وتقلب فيه مكعبات اللحم لين تاخذ اللون ونشيلهم 
  • نسخن بباجي الزيت البهارات العدله ونقلبهم لين تطلع ريحتهم ونضيف فوقهم البصل ونقلبهم لين يتغير لون البصل ويصير بني بس مو محروق وبعدين نضيف له معجون الثوم والزنجبيل ونلقبهم شوي ونضيف باجي البهارات الناعمه  (( بتلاحظون بهالمرحله ان بعض البهارات بتلزق بقاع الجدر بس عادي بعد ما نضيف الروب والماي كلهم بتمازجون ))
  • نضيف مكعبات اللحم ونقلبهم شوي  و شوي شوي نضيف الروب ونخلطه معاهم عشان لا يتخثر الروب وبعدين نضيف الماي الحار واذا بيتضيفون مرق لحم او ماي وماجي لحم بكيفكم  ونخلطه شوي ونتركه على النار لين يستوي مع التقليب بين فتره وفتره  وعند التقديم زينوه بكزبره مفرومة وبالف عافيه
  • ملحوظه صغيره…هالطبق اذا قعد لي ثاني يوم يصير طعمه احلى
Advertisements

7 Comments اضافة لك

  1. Mohamm3d كتب:

    مشكووره وماتقصرين وعوووده حميدهوالطبق مبين عليه حلو وسهلبجربه ولازم اقولج شصار ويايومشكووره تعبتج وياي

  2. bent el deera كتب:

    Mohamm3d *********حياك الله وان شاء الله يكون على ذوقك :>

  3. منى كتب:

    هلا بالقمر :)مشتاقتلك وايد وايد , كيفني بالكويتي ؟المهم اليوم البلوج فتح و قلت الا ما مر عليك و سلم , وصفاتك حلوة و احترت شو جرب , بس كاني رح ابدا بهل الوصفة , تسلم ايدك.

  4. bent el deera كتب:

    منى****هلا حبيبتي الغاليه :**مس يو وحدج كوول بالكويتي :>ان شاء الله تجربينها وتكون على ذوقج يا قمر :****

  5. Anonymous كتب:

    مشكوره يابنت الديره أ1ذا ماعليك أمر ..كان بودي تضيفيين طبق دياي بالزبده مره خطير ويستاهل …

  6. bent el deera كتب:

    هلا حبيبتي والله يعافيج للأسف ماسويت للحين طبق دياي بالزبده وإذا عنذج وصفه حلوة دزيها بالإيميل أو كتبيها هني وان شاء الله أطبقها 🙂

  7. bent el deera كتب:

    هلا حبيبتي والله يعافيج للأسف ماسويت للحين طبق دياي بالزبده وإذا عنذج وصفه حلوة دزيها بالإيميل أو كتبيها هني وان شاء الله أطبقها 🙂

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s