المونة

 حملات البلديه مع المنتجات الغذائية المنهية صلاحيتها المكتوبه بالجرايد  تخلينا نفكر الف مره قبل لا نشتري شي من الجمعيه


اكثر شي قمت اخاف منه المونه لان مهما يكون اللحم الخربان والدياي بيبن من ملمسه ولونه ولا  من شكله


حبيت اشاركم  باشياء بسيطه اسويها بالبيت نتدرج تحت خانه المونه مثل المخللات والمربيات و الزيتون والزعتر والاجبان …الخ


قبل لا ابتدي لازم اشكر الغاليه واخت الدنيا منى صابوني صاحبه موقع لقمه طيبه وام ناصر om naser_64 ويدتي الله يطول بعمرها لاني لولاهم جان ماعرفت اسوي ولا شي من الاشياء اللي بذكرها باذن الله
موقع لقمه يعتبر كنز من هالناحيه … انصحكم بشده انكم تصفحونه  تعلمت منه اللبنه ومخلل الشلغم او اللفت والزعتر الحلبي والدقه الحلبيه ودبس الرمان والكتشب والريكوتا وغيره..  اما ام ناصر تعلمت منها الزعتر والمربيات واغلب المخللات ومعجون الطماط وصلصه الطماط  وتجفيف الطماط والخضار عموما شرحها دايم يكون على الاصول ووصفاتها تهبل تهبل عسى ربي يوفقها ويرزقها الصحه والعافيه.. يمكن ما يسعفني الوقت انزل كل هالوصفات مره وحده بس انصحكم تطلعون عليهم




وان شاء الله هذي الوصفات اللي ببتدي فيهم

الزعتر الحلبي والفلسطيني والفرق بينهم من الصفر

صلصه الطماط

الزيتون بالجزر

 اجار او طرشي ثوم جبل وطماط

طماط مجفف

وارجو اني افيدكم بهالمساله وباقي الوصفات انزلها باذن الله اول ما اخلص