مونه

اجار ثوم جبل وطماط

هالصوره اخذتها على اول مره اسوي اجار ههه عشان جذي تشوفونها بغرشه ورق عنب…. في حركه يسوونها بالاجار انه يتسكر 40 يوم بالشمس ولازم تكبرون على ويه الغرشه كل يوم ولما  سالت عن معنى هالحركه يقولون عشان لا يصير حرام (( للحق يقال انا اخليه اقل مكن 40 يوم وهم يستوي ))
غير هذا العمليه جدا جدا جدا سهله
بستوق الاجار تحصلونه بالديره او اي من المحلات اللي تبيع هالسوالف … احس طعم الاجار يكون احلى من الغرشه الزجاج
مقادير البهارات حسب الرغبه وهم كميه الخل الاحمر والابيض هم حسب الرغبه… انا حطيت شوي شكر ( لا تسمعني يدتي ههه ) بس عشان يخفف حده الخل 
الماي ممنوع منعا باتا تاكدو ان كل شي ناشف قبل لا تحطونه

بسم الله نبتدي…
اول شي اذا ما كان ثوم الجبل نظيف  غسلوه ونقعوه بماي حار وبعدين نشفوه تحت الشمس 
الطماط الصغار غسلوه ونشفوه بالفوطه
اخذو فلفل اسود حب وكزبره حب وحمسوهم شوي لين تطلع ريحتهم وبعدين خلطوهم مع فلفل احمر وحبه بركه
ذوبو ملح  معثلث كميه خل ابيض مع ثلثين خل احمروشويه شكر
صفو اول شي البهارات وبعدين الثوم والطماط وثوم عدل وبعدين البهارات والطماط ونوعين الثوم … الخ
وصبو الخل لين يغطيه لي اخر شي لا تخلون مجال حق الهوا عشان لا يخيس كبرو بالعلبه وسكروها وحطو فوقها ثقل وخلوها بمكان مشمش فوق السطح لين يستوي وعليكم بالف عافيه
Advertisements

One thought on “اجار ثوم جبل وطماط

  1. التنبيهات: المونة | My Kitchen

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s