اذا عندكم زيتون فرش العمليه بتطول… الله يذكرها بالخير رفيجه يدتي كانت تييبه حق يدتي من الاردن وكانت تسويه عندها بالبيت وعلمتنا الطريقه…. اللي يبيها بالتفصيل يقولي بس اهي عباره عن ثقل تكسر فيها الزيتون وتحطه بالماي وتغيره كل يوم وترك لين ينزن زيت الزيتون وبعدين تملحه بالماي وتخلله مع شوي ليمون وزعتر طويل :>
هالوصفه تقدرون تزيدون وتشلون اللي يعجبكم بس صدقوني رح يكون الذ من الجاهز .. عمتي الله يطولي بعمرها تحط معاه لهانه مبشوره والخضره تكون اكثر … الزيتون اللي تستخدمونه مر لانه مع الماي بيروح منه الطعم المر وبياخذ من النكهات.. كميه الملح اللي احطها شويه بس تقدرون تزيدونه ويصير جاهز بعدي اسبوعين :>
بسم الله نبتدي…
كميه من الزيتون حسب الرغبه ( الفلسطيني او السوري او الاردني المر ) اخذوه مع ماي التخليل
بشرو جزر وفرمو كزبره وجم فص ثوم ( مو اكثر من 2 )
ليمون مقصص ارباع ومنزوع منه البذر
اذا متوفر زعتر اخضر الطويل
نرتبهم بالبرطمان طبقات ونصب عليهم من ماي التخليل ونزيده ماي مملح ونخلي جزء عشان نضيف له زيت زيتون لي اخر البرطمان ونخليه اسبوعين وبعدين يقدم وبالف عافيه
My Kitchen 
رأي واحد حول “خلطه الزيتون”