السالفه وما فيها اني كنت اقلب جريده القبس امس وقريت مكونات دريسنغ عجبتني… للاسف مكونات السلطه مو عندي بس قلت بجربها اليوم وطلعت لذييذه خاصه للي يحب الطعم الحامض
اللي يبي المكونات الاصليه حق سلطه الجرجير هذي الصوره :>
المقادير:
خس مقصص صغار
بقدونس مفروم
فلفل اخضر صغار
خيار حلقات
جرجير مقطع صغار
بصل اخضر مقطع شرايح صغار
50 مل زيت ذره
قفشتين كبار مسترد وانا استخدمت ديجون
قفشه صغيره سماق
ربع قفشه صغيره فلفل اسود ناعم
نص قفشه صغيره ملح
3 قفاش كبار عصير ليمون
الطريقه:
نصف السلطه طبقات
نخلط مكونات الدريسنغ (من الزيت الى اخر شي ) ونصبها فوقها ونخلطها
وبالف عافيه
وهذي شكلها بعد الخلط
My Kitchen 
اممممممممم شكل طعمهاا مره حلووو تسلم الايادي
nova******الله يسلمج حبيبتي جربيها وان شاء الله تكون على ذوقج :>
السلام عليكم أختي بنت الديره
تسلم ايدج
سويت هالسلطة وطلعت ممممم ما شاء الله
بس مفكره هالمره أضيف عليها شرائح فجل وشمندر مكعبات
هل تصلح معاه ؟
وشاكرتلج على وصفاتج المميزه ^^
أي أتوقع تمشي وخلي اضافه الشمندر آخر شيء عشان لا تصبغ
أفضل اضافه أما الفجل أو الشمندر لأني أتوقع نكهات ما تمشي إلا إذا كنتي مجربتها قبل وعاجبتج 🙂
بالعافيه عليكم وتسلم الأيادي