فيليه هامور مع صلصه الليمون بالزبده

الوصفه لذيذه وسريعه .. استخدمت نفس طريقه الصلصه اللي ذكرتها بوصفه بيكاتا الدجاج بطريقه منال العالم… والصلصه نفسها صارت دريسنغ حق الجرجير والخرشوف
 الخرشوف تلقونه بلولو ماركت متبل ومحفوظ بالزيت بعلب بلاستيك انصحكم فيه اذا تحبون الخرشوف نفسي وممكن تستخدمونه بالسلطات او تاكلونه مع باجيت بالثوم ومعاه مكعبات طمام من غير قشر
انا بذكر مقادير تقريبيه لاني احبها حامضه بس اذا تحبونها اخف قللو مقدار الليمون … تقدرون تضيفون ماجي مذوب بماي بدال الماي :>
 
بسم الله نبتدي

المقادير : 

  • قطعه سمج فيليه هامور او اي فيليه تحبونه 
  • ربع كوب عصير ليمون
  • قفشه كبيره متروسه طحين
  • رشه اعشاب مجففه ( استخدمت اعشاب مجففه خاصه بالسمج تحتوي على روزماري واوريغانو وزعتر .. تحصلونها بدين اند دالوكا )
  • كمون حسب الرغبه
  • ملح حسب الرغبه
  • فلفل اسود ناعم حسب الرغبة
  • ماي ساخن تقريبا كوب او اكثر بشوي
  • 2 زبده حبه صغيره و زيت ذره
  • جرجير مغسول وخرشوف معلب
الطريقة :
  • ننظف السمج ونتبله بملح وكمون وفلفل اسود والاعشاب ونتركه شوي
  • نذوب الزبده مع الزيت على النار ونقلب فيها السمج لين يستوي  ( السمجه اللي كنت اسويها سميكه فخليتها نص سوا وكملت باجي سواها مع الصلصه بالفرن )
  • بباجي الزبده اللي بالمقلا نحمس الطحين شوي ونضيف له عصير الليمون والماي والاعشاب والملح ونحركها لين تثقل ونصبها فوق السمج وتقدم مع الجرجير والخرشوف وبالف عافيه
Advertisements

3 Comments اضافة لك

  1. nova كتب:

    مع اني ما احب السمك بس مشهي مشاء الله عليك تسلم يدك ^^

  2. candy cotton كتب:

    بألف عافيه ياربوتسلم الاياديوالطبق رووووعهوثانكيو وايد

  3. bent el deera كتب:

    nova*****الله يسلمج حبيبتي وحياج الله :>اذا ما تحبينه بالسمك تقدرين تجربينه ببفتيك لحم او فيليه دجاج :>candy cotton*************الله يعافيج يا حلوة مشكووووووره :**مرورج الاروع :>

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s