سلطه لذيذه بدريسنغ لذيذ




الدريسنغ الفته من راسي كنت بسوي شي سريع وباخذه وياي المخيم وطلعت السلطه عجييييبه … حبيتها والكل حبها … انا ضفت طماط تشيري حسب الرغبه عشان مو الكل يبي طماط وما كنت اصلا ابي شي ينزل سوائل بالسلطه

جربوها وان شاء الله بتدعون لي…. مكونات السلطه شيلو زيدو حسب رغبتكم :> (( الصراحه انا حطيت اللي عندي بالثلاجه هههه ))
الدريسنغ السيزر اللي استخدمته ماركه وشبون تحصلونه بمركز سلطان بس اي نوع ثاني اتوقع بيكون نفس الشي :>



مقادير الدريسنغ:
ربع كوب خل
ربع كوب زيت زيتون
فص ثوم مهروس
قفشه صغيره مسترد ديجون
رشه فلفل اسود
قفشه صغيره ملح
رشه اوريغانو
نص كوب سيزر دريسنغ 

المقادير: ( كلها حسب الرغبة )


ذره مسلوقه او معلبه
لهانه مبشوره
جزر مبشور
بروكلي مقطع صغار
بقدونس مفروم
خس مفروم
بصل اخضر مقطع شرايح ضعيفه
خيار مقشر ومنزوع بذره مقطع الى مكعبات صغيره
مشروم شرايح ضعيفه
فليفله خضرا مقطعه اصابع ضعيفه
طماط تشيري مغسول ( حسب الرغبه )



الطريقة:

نخلط مكونات الدريسنغ ونخليها
نصف الخضراوات طبقات حسب الرغبه 
نخلطهم ونقدمهم على طول وبالف عافيه وهذي صورتهم بعد الخلط :>


Advertisements

12 Comments اضافة لك

  1. sa5er كتب:

    انت تاكل الاكل الي تطبخه ؟اتحداك :p ..!

  2. bent el deera كتب:

    sa5er ******هلا اخويوليش ما اكله ؟؟؟ملحوظه صغيره : انا بنت :>

  3. Nasimlibya©√ كتب:

    الله تسلم ايدينك احب الابتكار والسلطات باب الاباد فيها بلا حدوداحب الالوان وتنوعها بالسلطات والونك زينة مرة 🙂 حلوة هلبة هلبة هلبة ^_^بنسئلك ع درسينق سيزر هل يضفى نكهة وبنة لذيذة ؟؟لانى نحب اعمل الدرسنق من محتويات مطبخى اتركك بالف صحة وعافية وانتظر اطباقك القادمة

  4. bent el deera كتب:

    Nasimlibya©√*************اولا مرحبا والف سهلا فيج اختي نسيم وباهل ليبيا كلهم :>وحبيت اني معاج نتفق بالراي بالنسبه للسلطات :>دريسنغ السيزر يعطي طعم كريمي للسلطه واذا ما تفضلينه تقدرين تسوين دريسنغ سيزر منزليللاسف ما عندي وصفه بس اسمع ان منال العالم وصفه الدريسنغ سيزر عندها حلواذا ما صحت معاج بدليها بروب ( زبادي ) او كريما حامضه وجربي :> مشكووووره للمرور والتعليق وحياج الله الف مره :>

  5. بيرفت كونتيسا كتب:

    ماشاء اللهدايما مبدعة واطباقج مميزةوالدريسنغ شكله لذيذ وبالنسبة لصوص السيزر حسب طريقة الشيف نجيلا لوسونصفار بيضة + زيت زيتون + جبنة برمزان

  6. bent el deera كتب:

    بيرفت كونتيسا***************حبيبتي مرورج وتعليقج عندي الاروع :>ومشكوووووره على وصفه السيزر :>

  7. 3abeer كتب:

    ما شاء الله عليج بنت الديره .. خوش مدونه راح أتابع وصفاتجتحياتي

  8. bent el deera كتب:

    3abeer*******اتشرف بهالشي :>حياج الله دوم

  9. Anonymous كتب:

    مشكوووووووووورين اكتتتتتتتير

  10. bent el deera كتب:

    حياج الله :>

  11. shosho ahmad كتب:

    السلام عليكم

    لقيت مدونتج بالصدفة وكان هالشي من حسن حظي أكيد ^^

    بالنسبة للمشروم المضاف الى السلطة

    أقدر أستخدم بدال الفريش المعلب ولا ياثر على الطعم

    وتسلم أيدج

    1. bent el deera كتب:

      بعد عمري مشكوووره
      وصراحه ما جربته بمشروم معلب
      إذا ما عندج فرش الغيه عادي 🙂 أو حطي معلب وجربي 🙂

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s