وصفات رمضانيه · اطباق رئيسية · اطباق رئيسية- اطباق الارز او العيش · اطباق شعبيه · حلويات

حلوى عيش او زرده


هالحلوى عندنا مرتبطه بالمناسبات وغالبا الوفيات خاصه بعاشور وصفر … اكتشفت ان اكو طريقتين حق هالوصفه رح اذكر الطريقه الثانيه ان شاء الله لما اسويها .. بهالوصفه استخدمت نفس التكنيك المستخدم هني لانها اسرع
بالنسبه لي احلى من يسوي هالحلوى عمتي الله يطول بعمرها :> … تقدرون تضيفون  مكسرات ثانيه مثل الصنوبر
اذا بتسوونها بعيش مصري خلو مقدار الشكر اقل بس بعيش البسمتي تستوي اسرع .. وتقدرون تسونها طبقات مع المحلبيه مثل ما ذكرتها الغاليه دندرمه هني

http://danderma.wordpress.com/2010/12/23/do-you-know-the-dessert-zerda/


المقادير : رح تعطيكم 20 حبه من العلب اللي تشوفونها
كوب عيش بسمتي منقع من قبل ليله
كوب ونص شكر
قفشه صغيره زعفران
لوز صنوبري منقع بماي ورد حسب الرغبه ( تقريبا نص كوب على كوب ونص ماي ورد )
4 قلاصات ماي
رشه هيل
 زبده تقريبا 100 غ

الطريقه :

نسلق العيش مع قلاصين او 3 ماي ونتركها ثلث او نص ساعه وبعدين نضيف الشكر والزعفران والهيل وكوب ماي ونتركها على نار واطيه مع التحريك المستمر ونضيف ماي بالتدريج كل ما نحسها صارت ثقيله ونضيف
في طريقه ان نحرك الخلطه لين يذوب كل العيش ويصير ناعم ( نحركها نفس طريقه الهريس) بس طريقتي انطر لين العيش يذوب عدل وبعدين بالخلاط اطحنها لين توصل لي الكثافه المطلوبه واردها على النار اضيف  جزء من الزبده وماي الورد واللوز واحركها واصبها في طاسات التقديم

احط زبده بالويه وامسحها وازينها بالدارسين وبالف عافيه

Advertisements

8 thoughts on “حلوى عيش او زرده

  1. ana ash.had inah this recipe is very very VERY yummy! teslam edeen ele sawaha o tenaqa9ha… lel7een ga3deen nakel minha :Di will try it o let u knowP.S. do you know how to make qer9 moqla?

  2. danderma*********حياتي مشكوووره :*****اللي عطيتج اياها انا اللي سويتها لان مالت عمتي قعدت جم يوم بالثلاجه وما حبيت اعطيج شي قديم :>ويعلها مداخيل العافيه يااااارب :*****يوم اللي تسوينها استخدمي جهاز الخلط اللي جنها عصايه لاني نسيت اوضح هالشغله هههههقرص مقله انا اللي اعرفه نوعين نوع بالتمر .. احنا عاده نسويه حق النفسا ونحط معاه حسووالنوع الثاني جنه كليجه فيلجاويه فيه هيل وزعفراناي نوع تبين عشان ادورلج وصفتها :>

  3. غير معرف********الله يسلمج ويقويج حبيبتي :>وافا عليج سالي وطلبي واذا ماعرف الباجي ما يقصرون يكتبونه لكم ان شاء الله :>الساقو عندي وصفه بوسند الله يذكره بالخير بس صراحه ما جربتها للحين :>http://aklati.blogspot.com/2009/07/blog-post_2963.htmlتلقينها بالكومنتس بس عدلي 3 كوب شكر على 6 كوب ماي :>

  4. اول شي بلقوج اينن وايوع بعد وايد مو شويةوحبيت اعلق اول مرة عندج ببوست الزردة لاني اموت عليها ولاني ذقتها في ايران من قبل عشر سنين تقريبا ولي الحين اتحلم فيها.مشكورة عالوصفة وانشالله اجربها واذا اضبطت معاي راح ادعيلج ليل ونهار انشالله 🙂

  5. chatterbox************حياتي مشكوووره :>وحياج الله ونورتي البلوق الوصفه وايد سهله والخلاط اللي جنه عصايه وايد يسهل المهمه ان شاء الله تجربينها وتكون على ذوقج :>

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s