فطور او ريوق · فطور رمضان و ريوق و سفرات كاملة · وصفات رمضانيه · اطباق شعبيه · حلويات · خطوة بخطوة

قرص مقله

 
هالوصفه اهداء خاص للغاليه دندرمه وان شاء الله تكون هذي الوصفه اللي تدور عليها…. صراحه الوصفات اللي عندي عجيبه وغريبه هذي احس ان احسنها بس للحين عندي 4 وصفات ما جربتهم اذا ما عجبتج قوليلي واجرب الباجي وانزلهم لج  :>
 
الوصفه تطلع اقراص بسمك رقيق اذا تحبونها امتن ضيفو بمقدار قفشه صغيره او اقل مواد رافعه ( خميره او بيكنغ بودر ) وخلوها ساعه وبعدين صبوها
المقدار المذكور يعطيكم 10 اقراص يعني نفس الكميه اللي بالصوره

تقدرون تاكلونها ساده مع حليب حار وزنجبيل او تحشونها جبن قلاص وتاكلونها مع شاي حليب هههه
المقادير :
3 بيضات كبيره ( او 4 صغار )
كوب طحين منخول
كوب سكر
قفشه صغيره هيل ناعم
نص قفشه صغيره زعفران
كوب حليب
20 غ زبده سايحه ( مو ضروريه )
زبده او زيت خفيف لتحمير الاقراص


الطريقه :
نخفق البيض مع الحليب و الهيل والزعفران ونضيف له الطحين مع الشكر بالتدريج واخر شي الزبده السايحه ونتركها شوي



نسخن المقله ويفضل انها تكون غير لاصقه يعني تيفال او من ربعها ونضيف لها زبده او زيت ونصب فوقه الخليط
 اذا تفضلونها رقيقه صبو مقدار بسيط ( على مقلتي تقريبا ربع كوب ) ونحرك المقله بحركه دائريه عشان تغطي كل جوانب المقله وتكون قرص دائري
واذا تحبونها اسمك زيدو كميه الخليط وهي بروحها بتاخذ الشكل بس لا يصير وايد عشان اللي داخل ما يكون معجن

 
اول ما تبقبق وتنشف من الاطراف نقلبها ونوطي النار ونخليها تستوي على راحتها واكلوها حاره وبالف عافيه
 
وهذي الرقيقه :>
Advertisements

11 thoughts on “قرص مقله

  1. هذا كريب كويتييم يم انا من قريت وصفة دندرمه قلت اكيد الريحه خنيييينهتسلم ايدج حبيبتي

  2. Dandermaالله يسلمج حبيبتي وإن شاء الله تكون على ذوقج وإذا ما عجبتج أنزل لج بأجي الوصفات اللي عندي 🙂 تسلم أيدج مقدما وبالعافيهnovaآفا ليش ما ضبطت … وترا عادي في المطبخ لازم المحاوله والتكرار ألف مره عشان تضبط ههههه Sn3aبالضبط كريب كويتي وطعمها قريب من البلاليط وايد هههه وأكيد دام شيء كاتبته دندرمه بيكون خوش شيء 🙂 ووجودج عندي أحلى واروع 🙂 الله يسلمج حبيبتي

  3. لذييذ شكلهبس وناسة مو لازم عالدوة عادي نسويه عالجولة؟؟؟بس يحلاته اذا غمسنا بالحليب يم يم بجربه

  4. chatterbox***********انا سويته على الجوله والحمدالله طلع اوكي :>جربيه وان شاء الله يكون على ذوقج :>

  5. والله شكله لذيــذ جداً ..إن شاء الله راح أجربه =)ويعطيك ألف عافية ماشاء الله عليك تحياتي لكِ ..

  6. تدرين شنو لذيذ طلع؟؟؟صج ان اول مرتين لزق بالمقلة بس بعدين صار اوكيويم يم مع حليب زعفرانشكلي راح ادمن عليهمشكوووووورة عالوصفة الحلوة 🙂

  7. .pen seldom************ان شاء الله تجربينه ويكون على ذوقج :>الله يعافيج حبيبتي وحياج الله chatterbox ***********عليج بالف الف عافيه …ونستيني يوم طبقتيه وعجبج :>تسلم ايدج وحياج الله دوم :>

  8. بنوته الديرة الوصفة مضبووطة وسويتها و امي عجبتها واييييد تسلم هالايادي بنووته

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s