ساندويش تونا بطريقه بيرفوت كونتيسا

هالوصفه اخذتها من Ina Garten  كانت مسويتها تتبيله حق تونا فرش مشويه … وانا اخذت التتبيله وحطيتها على تونا معلبه والنتيجه يم يم
سويتها مره  كسلطه مع بطاط وتشيري ومره حشيت فيه فوكاتشا مع جرجير وكل مره الذ من الثانيه

الوصفه تلقونها على هاللينك

http://www.foodnetwork.com/recipes/ina-garten/grilled-tuna-rolls-recipe/index.html

بودره الواسابي تلقونها بمركزسلطان صوب الاكل الاكل الصيني والياباني مخشوشه هههه… بس لا تشترونها بس عشان هالوصفه ما احسها مهمه.. الوصفه الاصليه اكو قفشه صلصله الصويا وانا بدلتها بصلصه السمج

مقادير الدريسنغ:
قفشتين كبار زيت زيتون
3 قفاش عصير ليمون اخضر ( لايم )
قشر لوميتن خضر مبروشين
نص قفشه صغيره من بودره الواسابي
 قفشه صغيره صلصه السمج
5 نقط من صلصه حاره ( شطه )
قفشه كبيره سمسم محمص ( حمصوه فرش احلى )
قفشه صغيره ملح
ربع قفشه صغيره فلفل اسود


المقادير:
حبه افوكادو مقصصه مكعبات
بصله خضرا مقطعه شرايح رقيقه
علبتين تونا  مصفايه من الزيت
جرجير او بطاط مسلوق مع طماط تشيري

الطريقه:

وايد سهله نخلط مقادير الدريسنغ ونصبها فوق التونا والافوكادو والبصل ونخلطها عدل

اما تنوكل بساندويشه مع الجرجير ( انصحكم تستخدمون فوكاتشا الزعتر من المخبز الفرنسي بمركز سلطان ) او تخلطونها مع البطاط المسلوق والطماط وبالف عافيه

الإعلان