فطور او ريوق · فطور او ريوق-حمسات ريوق · فطور رمضان و ريوق و سفرات كاملة · وصفات رمضانيه

بطاطا حره … اخر وصفه


ادري ادري شبتقولون ” من صجج هم بطاطا حره !!!” … بس لان يتني استفسارات عن عدم توافر بهار اسناد بالجمعيات ومعاهم حق انقطع فجاه ..واحب ااكد على سلق البطاط قبل القلي لانه بيطلع البطاط ينن مقرمش ومحافظ على شكله مره كنت مستعيله وقليته على طول وطلع لي البطاط مفشفش مادري شلون صاير اول ما برد … القفشه اللي استخدمتها قفشه الشاي المتوسطه مو القفشه المعياريه… ولان من اسمها بطاطا حره انا ضفت فلفل احمر حار بودر وجم نقطه تباسكو اذا ما تبونها تقدرون تلغونها :>

المقادير:
3 اكواب بطاط مكعبات مسلوقه وبعدين مقليه
قفشه كبيره ثوم مهروس 
نص قفشه متوسطه بابريكا
رشه اوريغانو او زعتر
كوب كزبره مفرومه
زيت زيتون حسب الرغبه
قفشه  او قفشه ونص كبيره عصير ليمون
ربع قفشه متوسطه كزبره بودر 
رشه ملح ( عدلو الملح حسب الرغبه )
رشه فلفل اسود
رشه فلفل احمر او حسب الرغبه اذا تحبونا حاره
جم نقطه تباسكو او اي صلصه حاره

الطريقه:
نسخن زيت الزيتون ونضيف الثوم ونخليه على نار هاديه نسبيا ونحركه لين تطلع ريحته ويبتدي يتحمر نضيف له الكزبره البودر ونخلطها مع الثوم وبعدين نضيف الكزبره الخضرا ونحركها لين يقلب لونها شوي ونضيف البابريكا والفلفل الاسود 
نضيف البطاط المقلي ونرش بالفلفل الاحمر والاوريغانو والملح ونقلبهم لين يتمازجون مع الكزبره عدل
اخر شي نخلط عصير الليمون مع التباسكو ونضيفه للبطاط ونقلبه قلبه وحده ونسكر النار
ينوكل ساخن كمقبلات او ينلف بالساندويشات مع خس وطماط او اذا كنتو تحبون اللبنه تقدرون تحطونه فوق اللبنه وتقدمونه مع خبز خفيف محمص وتقدرون تستخدمونه مع شوي مكسرات كحشو للعيش وبالف عافيه

Advertisements

4 thoughts on “بطاطا حره … اخر وصفه

  1. ** واي قمت اشم ريحة الكزبر و انا اقرا انتي المفرووووض ماندش بلوووقج اخر الليل او نكوون يواعه تعذيب ميه مسى يا هانم :*

  2. اي والله حده تعذيب بلوقج بليل هههههوانا اقول شلون البطاطا الحارة في المطاعم مقرمشة طلعوا يسلقونه قبل القلاي و انا سيدة اقليه مع الخلطة عبالي فنانة هههههومشكورة عالوصفة والمعلومة 🙂

  3. ميمه السبيت************هلا بالغاليهاسم الله عليج من التعذيب… عاد هالوصفه ما يبيلها شي واذا مالج خلق عطيني خبر وتوصلج من عيونيعاد تصدقين هذي اكثر وصفه اسويها حق خواتي وايد يحبونها ههههههchatterbox**********مو كنت اجابل النت بالدوام ايام الفضاوه والروءان االحين مع الكراف ماقدر اجابل الا اخر الليل ههههتصدقين جربي تسلقينه نص سلاق وبعدين بتقلينه بتحسين بكل الفرقوحتى نوع البطاط يفرق جربي السعودي اللي قشرته خفيفه ولونها فاتح :>تسلم ايدج مقدما وعليج بالعافيه :**

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s