معجنات وفطاير · حلويات

دونت


هالايام طايحه بوصفات الحلو … وقاعده ادور وصفه لذيذه حق الدونت وللحين هذي احلى شي جربته… بس نصيحه اذا سويتوه اكلوه بنفس اليوم لانه ينشف اذا ظل … هالكميه تعطيكم 15 دونت من اللي تشوفونه انا كنت مخليه سمكها كبير عشان تطلع منتفخه ولذيذه.. في فتره التخمير الثانيه انا حطيت طاسه فيها فيها ماي حار عشان  البخار يساعدها بالتخمير لان مطبخنا بارد بس اذا كنتو حاطينها بمكان دافي مرح تحتاجون هالخطوه …. جربوها وبالف عافيه

المقادير :
كوب حليب
ربع كوب زبده
ربع كوب سكر
رشه ملح
نص قفشه  كبيره خميره حبيبات
2 بيض
قفشه صغيره  فانيلا
3 كوب طحين  ( انا احتجت اكثر بحاولي ربع كوب )

الطريقه 
سخني الحليب  على النار وضيفي له الزبده وبعد ما تذوب ضيفي الشكر و الخميره اذا كان دافي مو حار وتركيها ربع ساعه لين تفور الخميره
 وبعدين نخلط معاها البيض والفانيلا ونخليها بالعجانه ونضيف الطحين مع رشه الملح بالتدريج لين يتكون عجينه طريه نخليها تعجن فتره ونشيلها من العجانه ونعجنها بيدنا شوي عشان تشوفون اذا تحتاج طحين  وبعدين نحطها بطاسه مدهونه ومغطيه ونتركها تخمر التخمير الاولي ( تقريبا ساعه  بس بالصيف اكيد بتحتاج اقل وعلى حسب حراره المكان ) وبعدين نفردها حسب السمك اللي تحبونه وتقطعونها بقطاعات الدونت او باي قطاعه مدوره وبالنص بغطا بطل بيبسي  نايلون ونحطها بصينيه مرشوشه بطحين 
ونتركها  بمكان دافي فيه  طاسه داخلي ماي مغلي عشان تتخمر التخمير الثاني لين تنفش مره ثانيه ( هم خذت مني ساعه تقريبا بس مثل ما قلت حسب حراره المكان ) 
نقليه بزيت ساخن ونزينه مثل ما تحبون
انا جزء خلطته مع شكر ناعم وشكر خشن ودارسين ( شفته ببرنامج جيادا دي لورنتس ) وجزء غمسته كميه حلوه بنوتيلا وزينته بالفارمسلي وخليت يمهم تغميسه نوتيلا مسخنتها  بحمام ماي وبالعافيه 
Advertisements

9 thoughts on “دونت

  1. تسلم إديتج و الله… أنا مو من ربع الدونت وايد بس ريلي وايد يحبهم… شفت الوصفة قلت وييه من وين اييب لي مكينة تقلي الدونت ينيي و لا تكود مكاين بالبيتو لا أقرا عدل أثاري ما تحتاج!!! و الله ما قصرتي مشكورة 🙂 إنزين يصير أشويهم بدال لا اقليهم؟

  2. الله يسلمج حبيبتيوصفه الدونت اللي بالجهاز اعتقد تكون سائلههالوصفه للاسف ما جربت اخبزها بالفرن فما ادري بس اتوقع لو انخبزت بتكون عجينه عاديه :>وتصدقين انا نفسج اترفز اذا عندنا بالمطبخ جهاز ماله داعي بس بيني وبينج مطبخنا اصلا بيفيض من المواعين هههه

  3. اممممممممم ياسلام دونااات والله شهتيني بالقوه على هالصباح وكافي احلى شي ويعطيك العافيه

  4. nova*****الله يعافيج عزيزتي :>وصاجه بالبرد الواحد يدور السكريات هههههحياج الله يا حلوة :>

  5. تسلم ايدينجشفت شيف مصري يسوي دونت شكلهم حلو بساول ما حطهم بالزيت على طول صارت شقرا وقلبها ما خذت يمكن نص دقيقةاحس ماراح تستوي من داخلانتي جم وقت خذت معاج بالقلي؟وكان الزيت حار مثله ولا وسط؟

  6. فيه ملاحظه بعد ماأقلي الدونات وأزينهم أفرزنهم أذا زاد العدد بعدين أذا بغيت أكل أخليهم يفترون شوي وأحطهم بالمكرويف 9 ثواني وحبيت اأسالك شلون اخلي السكر المطحون فيهم أحس مايثبت يحت بكل مكان كني بزر ..؟؟. شي خلطته مباشره بعد القلي وشي خليته يفتر السوال 2انا لما أقلي تسمر الدونته كثير فظطريت أطفي النار وأكمل قلي بسرعه يستوي ؟.؟

  7. حسب علمي السكر الناعم يلزق بالدونت من حراره الدونت نفسه لما تسخنينه بالمايكرويف بتكون صعب يلزق فيه السكر المطحون .انصح بتذويب سكر ناعم مع قفشه او قفشتين ماي لحد ما يكون سائل غليظ ابيض وبعدين تغمسين فيه الدونت او تذوبين ككاو بحمام مائي وهم يغمس بنفس الطريقه :>الدونت كلش ما يطول يا دوب ياخذ لون وينشال على طول واذا صار اسمر بسرعه يمكن لان الزيت حامي ويتحتاج تخفيف حراره :>

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s