فطور او ريوق · فطور رمضان و ريوق و سفرات كاملة · معجنات وفطاير · وصفات رمضانيه · بيتزا

فطيره الزعتر بشكل يديد او بيتزا زعتر

الفكره اني حشيت اطرافها جبن وقدمتها مثل البيتزا… اخواني استانسو عليها وكلوها جنها شي يديد ههههه
شرايكم مو شكلها يشوق 🙂 … الوصفه  مناقيش عاديه والزعتر اللي حطيته ساده وزيت زيتون  تقدرون تخلطون معاه شوي ليمون اذا تحبون الحموضه او تخلطونه مع زيتون او طماط او بصل او معاهم كلهم ههههه

ونفس الشي بالنسبه للحشوه انا حطيت جبن كيري تقدرون تحشونها اي شي وترشون سمسم او حبه البركه بالاطراف او تقدرون تشكلون الاطراف كور صغار اتوقع شكلها بيكون حلو بعد :>

 جذي شكلها اول ما تطلع بالفرن … عشان الفايده انا خلطت طحين اسمر وابيض بس طبعا تقدرون تسوونه بالطحين الابيض بروحه وخلو يمكم كميه زياده لاني ملاحظه بالشتا العجينه تاخذ طحين اكثر من الصيف 
العجينه فردتها بيدي ما استخدمت النشابه او الشوبك وطلعت واااااايد وااااااايد احلى من داخل احس اكو فقافيع هوا بالعجينه عطيتها طعم اروع ( قارنو بين الصوره اللي فوق وصورتها قبل لا تدش الفرن وبتشوفون شنو اقصد )… طريقه التشكيل جدا بسيطه خلو ايد تحت العجينه والايد الثانيه تمغطها بحاول ادور فيديو يشرح الطريقه وبحطه هني ان شاء الله 
هالصوره اخذتها من http://beckasblog.ivman.com/basic-pizza-dough
 
استخدمت نفس مقادير العجينه هنوف البلهان اللي ذكرتها بوصفه بيتزا فطوم  وعطتني صينيتين من اللي تشوفونهم وحده سويت فيها زعتر والثانيه بيتزا 
 
الطريقه:
نسوي العجينه ونخمرها عادي وبعدين نشكلها على صواني البيتزا اللي تكون مخرمه  بس بحيث تكون الاطراف اكبرمن الصينيه واذا ما تبون تاكلونها على طول تقدرون تخلونها بالثلاجه ساعه ولا ساعتين بس قبل لا تخبزونها طلعوها عشان تدفى
نسخن الفرن على درجه حراره 200 
ناخذ الاطراف ونحشيها جبن كيري او اي حشوه تحبونها ونسكرهم عدل بالضغط على العجينه ( تقرص ) وبعدين نخلط الزيت والزعتر ونصبه فوق قطر الدائره وندخله الفرن وبالف عافيه :>
 
 
وهذي صورتها قبل لا ادخلها الفرن …. جربوها وان شاء الله بتعجبكم :>
Advertisements

14 thoughts on “فطيره الزعتر بشكل يديد او بيتزا زعتر

  1. ماشاء الله أتينن!!!!الله يهديك هذي يبيلها براءة إختراع! باكر وحدة إتسوي منا بزنس و إتبيع!!!لازم أجرب هالوصفة أول ما أخلص الرجييم لالالالالالالازززززمممممممتسلم إيدك و إقري المعوذات!ملحوظة: انا قايلة بحارب بلوقج لين يخلص رجيمي بس أشوف حضرتي رايحة رادة اتطمش

  2. Danderma*********تواجدج عندي بالمدونه اهو اللي ينن :*** الله لا يحرمني من هالطله :>حبيبتي الله يسهل عليج رجيميج وتضعفين الكيلوات اللي ما تبينهم بصحه وعافيه:>مشكوره على النصيحه وحياج الله دووووووووم :**

  3. اولا ايه الجمال ده كلو يعنى مش هينفع كدا انا عاوزه ادوق تانى حاجه اتمنى تنورينى فى مدونتى عشان اشربك شاى ههههههه شوفتى بشوقك اهوhttp://day-from-mylife.blogspot.com/

  4. ما شاء الله شكلها حيل حلو وفكره عجيبه ..عليكم بالعافيه حبيبتي انا اذكر مره قريت عندج كذا وصفه للرد فلفت ودورت ع السريع مالقيتهم .. اتمنى ما اكون قاعد اتخيل بس اذا صج عندج وصفه ياريت و اذا ما عليج امر تعطيني اللنك واكون ممنونه لج وااايد :)))

  5. The Handey Women*****************لووووول شهوتن فيها العافيه :>عاد يوع الليل كافر هههههنيللى******حبيبتي من عيوني ومشكوره على الدعوه :>رُوحٌ ضَائِعَه…*************الله يعافيج حبيبتيللاسف ما سويت ريد فلفت للحين انا شايفه عالوصفه عند ميلوhttp://joyinadish.blogspot.com/2009/11/blog-post.html

  6. وييي يالفشله يعني كنت اتخيل .. =السموحه .. بس اضاهر افتر راسي وخربط بينج وبين مدونه ثانيه ع العموم شكرا على الرابط ويعطيج العافيه و قواج الله يالحبيبه :*

  7. رُوحٌ ضَائِعَه…*************شدعوه فيها شي ولا فشله بالعكس احنا خوات :>حياج الله دوم وان شاء الله تسوينها وتطلع احلى من ما كنتي تبين :>SaFaa *******عليج بالعافيه يا رب ان شاء الله تكون على ذوقج :>

  8. شكلها لذيذة تسلم يدكحنا نسويها بالبيت بس نحط خلطة البتزا والاطراف المغلقة نحط زعتر

  9. اميرة الصمت*************الله يسلمج عزيزتي:>ومجال الابداع بهالطريقه لا متناهي عليكم بالف عافيه :>

  10. انا كل ما اسوي هالعجينة تطلع يابسهو اليوم الثاني تستوي مثل الخشب مع ان المقادير صحشو سبب نشفان العجينة

    1. العجيبنه اليابسه تقدر تكون من كذا شي

      اما الخميره مو شغاله اعدل… او فتره التحمير قليله
      احتمال يكون الطحين وايد واحتمال النار تكون حاميه واحتمال خليتيها بالفرن فتره طويله

      امشي معاي بالخطوات حبه حبه :>

      قوليلي ششسويتي :>

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s