رد فيلفت كب كيك

 

وين كنت عن هالوصفه لما كنت متعقده من الحلو… الوصفه وايد وايد سهله و وايد وايد وايد لذيذه 

 
بذمتكم شوفو اللون ما ودكم ترسمون فيها لوحه
 
 
 
ميلو حبيبتي الغائبه الحاضره منزله هالوصفه من زمان واخير تحركت عشان اطبقها لما سالتني ” روح ضائعه ” عن وصفه الرد فيلفت
هالوصفه رد وفيلفتي وفلفي وهشه وترفه وتينن
شوفو شكلها من داخل  عجييييبه
 
ميرسي ميلو واذا كنتي تقرين البلوق بلييييييييز  ردي  لنا ولهنا على وصفاتج الحلوة… طبعا  الكب كيك مو اول تطبيق لي من وصفات بلوقها  … جربت من قبل اللزانيا اللذيذه و ناويه اجرب سلطه الاورزو او لسان العصفور ان شاء الله
الاختلافات بين وصفتي ووصفتها جدا بسيطه .. انا استخدمت كميه اللون الاحمر بالوصفه الاصليه  وزدت قفشه صغيره فانيلا  وكميه الككاو البودر
الفروستنغ كنت ابيه كريمي وحطيت المقادير من راسي وطلع ينن معاه … بالنسبه للزينه انا قررت اخذ شكر خشن وخلطته مع نقطه لون و صار لونه جذي .. كنت ابي ازين الجزء الثاني ببيكان بس للاسف الكميه اللي عندي ما تغطيهم كلهم ..وتقدرون تزينونه بفارمسيلي ملون او مارزبيان   :>
 
المقادير رح تعطينا درزن كب كيك كبار و درزن كب كيك وسط  … كل المقادير بدرجه حرارة الغرفه :>
 
المقادير:
كوب لبن ” بترملك”  او علبه صغيره لبن الخاثر من كي دي دي
بيضتين كبار ولان بيضنا صغار استخدمت 3
قفشتين كبار لون احمر سائل
قفشه صغيره خل ابيض ( مهمه  عشان اللون لا تلغونها )
قفشتين صغار فانيلا سائله
كوب  زيت نباتي وانا استخدمت زيت ذره
كوبين ونص طحين فاخر
كوب ونص سكر
نص قفشه كبيره بودره ككاو 
رشه ملح
قفشه صغيره بيكربونات الصوديوم
 
مقادير الفروستنغ ( كريمي شيز فروستنغ ) :
اصبع بحراره الغرفه
علبه جبن فلادلفيا هم بحراره الغرفه
قفشه صغيره فانيلا سائله
كوب سكر بودر من ماركه مجدي ( زيدو وقللو حسب رغبتكم بالحلاوة )
 
الطريقه:
نخلي الفرن على درجه حراره 150-160 ونلبس قوالب الكب كيك بالبليسيه
ننخل الطحين مع الشكر والككاو والملح والبيكربونات مع بعض
نحط البيض والزيت واللبن واللون والفانيلا مع بعض ونخلطهم ونضيف لهم المقادير الجافه واول ما يمتزجون نوقف الخلط
نصب الخليط بالقوالب وندخلها الفرن لين تستوي تاخذ تقريبا نص ساعه ونطلعها بره
 
تينن مو 3>
 
نسوي الفروستنغ عن طريق خلط الجبن والزبده واضافه السكر الناعم بالتدريج وندخله الثلاجه لين يبرد كل الكب كيك وبعدين نحط عليه الفروستنغ ونزينه انا جزء زينته وجزء خليته بس بالفروستنغ جربوها حدها تسوا وان شاء الله تعجبكم وبالف عافيه
 
Advertisements

12 Comments اضافة لك

  1. star كتب:

    شكله اينننن واكيد الطعم بعد عليكم بالعافية :))

  2. Zabo0o6a كتب:

    يعطيج العافية شكله مو طبيعي قمت اسعبل، وين اييبلي كب كيكس هالحزة 😦

  3. DoDoq8 كتب:

    ماشاءالله تشجعت اسويها عندنا مخيم هذا الاسبوع يبيله شي جذي سريع 🙂

  4. ~حَدِيـثُ الفَـجْـر~ كتب:

    تسلم ايدج .. سبقتيني عليها ههههناطره اخلص من الفاينلز واسويها =بس ماشاء الله شكلها حلو ..بس جنه الفروستنج خفيفه وله يتراوالي حلاتها تكون ثقيله .. وشلون طلع طعمها مع هالمكونات .. حالي و ايد وله زين ؟

  5. ~حَدِيـثُ الفَـجْـر~ كتب:

    ايه عذرا انا روح ضائعه بس غيرنا الاسم السموحه

  6. bent el deera كتب:

    star
    *****
    الله يعافيج حبيبتي عاد صج طعمها لذيذ… مرورج عندي الاحلى

    :>Zabo0o6a
    *********
    حبيبتي مشكوووره هذا من ذوقج… جربيه عاد سهل ولذيذ واذا تبين اسوي ومري اخذيه

    :>DoDoq8
    *******
    جربيها وان شاء الله تكون على ذوقج.. وانا متاكده انج بتحصلين خوش مديح
    عليج بالعافيه مقدما حبيبتي

    :>~حَدِيـثُ الفَـجْـر~
    ****************
    حياج الله حبيبتي
    وصراحه يوم سالتني عنها ذكرتيني اسويها :>الفروستنغ ثقيل وكريمي واذا تبينها اثقل خلي علبه جبن عليها اصبع زبده وحده :>انتي ذوقيه قبل لا تحطينه على الكب كيك وعدلي حسب هواج
    انا ما اشوف حلاتها زايده بالعكس وايد لذيذ وهشه :>

  7. Anonymous كتب:

    بصراحه كانت روووعة لي درجه ان كنت ابي ثاني يوم ما حصلتها ولا حماتي وريلها قاضين عليها خخخخخخ تسلم ايدج حبيبتي ام حسون

  8. Anonymous كتب:

    its my second favorite <3-MOUNI

  9. bent el deera كتب:

    ام حسون
    ********
    بالعافيه يا قلب اختج :**

    *MOUNI

    ******
    بالعافيه حبيبتي

  10. nnosha2011 كتب:

    الله يهديج بلوقج حق المتن @@

  11. Black Tulip كتب:

    شكلها لذييييييييييذه يبيله أجربها يسلموو ع الجهد عساج ع القووهـ 🙂

  12. bent el deera كتب:

    nnosha2011
    ************
    البلوق اصلا لوصفات الاكل :>حياج الله

    Black Tulip
    *************
    حياتي مشكوووووره
    جربيها وان شاء الله تكون على ذوقج :>

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s