سلطه الاورزو بطريقه ميلو


اخيرا تحركت وسويت هالسلطه  كنت وايد  متشجعه اسويها لاني  بعد ما قريت بوست ميللو ذقت  سلطه الاورزو ببريدز وصرت ادمان عليها فتره

الوصفه سهله  ومشبعه ولذيذه بس عيبها كميه الاروزو وايد على ذوقي يعني ان شاء الله المره اليايه بقلل المقدار الى النص
 بالوصفه  كانت حاطه كزبره وبقدونس وانا بدلت الكزبره بالجرجير وحطيتها بنسبه 2:1 مع البقدونس وضفت ملح بالدريسنغ  وخليت الزيتون وجبن باميزان على جنب اضافته حسب الرغبه 
الوصفه الاصليه تلقونها بهاللينك
http://joyinadish.blogspot.com/2008/09/orzo-salad.html


المقادير :
شدتين جرجير بس الاوراق
شده بقدونس بس الاوراق
طماطه كبيره  مقطعه مكعبات
زيتون شرايح حسب الرغبه
جبن فيتا مفتفت حسب الرغبه
جبن بارميزان مبشور حسب الرغبه
كوب اورزو ( والافضل على هالمقدار اني استخدم نص )
الدريسنغ :
نص كوب زيت زيتون
ربع كوب خل بلساميك
عصير ليمونه وحده
فصين ثوم مهروسين
قفشتين صغار اوريغانو


الطريقة:
نخلط مقادير الدريسنغ ونخليها فتره تركد وبعدين نشخلها ونحتفظ بالدريسنغ صافي
نسلق المعكرونه  الى النضج ونخلطها وهي حاره بنص مقدار الدريسنغ لين تتشربه
نصف الخضار بصحن التقديم ونخلطها مع الاورزو والجبن وباجي الدريسنغ وتقدم وهني وعافيه

Advertisements

5 Comments اضافة لك

  1. حوراء كتب:

    الله يوفقك مدونتك روووعة

  2. bent el deera كتب:

    حوراء ******مشكوره حبيبتيمرورج تلاروع عندي وحياج الله :>

  3. star كتب:

    بالعافية وصح الاورزو مبين وايدحتى احنا في بيتنا نحب سلطات بريدز وخاصة السيزر مالتهم وهاذي السلطة مالت الاورزو ^_^

  4. bent el deera كتب:

    star*****تصدقين عاد اني مو حاطه كل كميه الاورزو بعد.. ان شاء الله المره اليايه اقللها بتطلع احلى ان شاء اللهان شاء الله اذا رحت مره ثانيه اطلب سلطه السيزر انا دايم اخذ منهم سلطه الخرشوف وسلطه الخصار المشويه وسلطه السبانخ وسلطه البطاط والقرع>>> ما بقا شي بالمنيو هههههمشكوره حبيبتي على الاضافه القيمه :>

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s