خبز الزيتون والاعشاب

هالخبز طعمه وريحته  اول ما يطلع من الفرن تحسسكم انكم قاعدين بمطعم ايطالي بس ناقصكم زيت الزيتون مع الفلفل او الثوم للتغميس… جربوه صج لذيذ
طبعا تقدرون تسونه كله لوف واحد او تقسمونه 2 نفسي.. الحلو فيه انه يتثلج ووقت اللي تبونه طلعوه وسخنوه ويطلع جنه يديد.. بالوصفه نص كوب زيتون انا حطيت كوب كامل عشان زياده النكهه  وبدلت البقدونس المجفف بالبقدونس الفرش… حتى لو بسويه بموسم الريحان كنت رح احط الفرش احلى برايي
بسم الله نبتدي

المقادير:

3-4 اكواب طحين ابيض العادي
كوب زيتون مفروم.. انا خلطت الاسباني الاخضر والاسود
ربع كوب زيت زيتون
بصله صغيره مفرومه ناعم
فصين ثوم مهروسين
قفشه كبيره ريحان ناشف
قفشه كبيره اوريغانو
قفشه كبيره خميره فوريه
قفشه صغيره ملح
قفشتين صغار سكر
نص قفشه صغيره بيكنغ بودر
رشه فلفل اسود
3 قفاش كبار بقدونس مفروم
كوب وثلث ماي دافي

الطريقه:
نسخن زيت الزيتون على نار هاديه ونضيف لها البصل والثوم ونحمسهم لين يتكرملون ويقلب لونهم ذهبي ونتركه يبرد شوي
نخلط 3 ونص كوب طحين مع الخميره والبيكنغ بودر والشكر والزيتون والملح والفلفل الاسود والاعشاب والبصل مع الثوم ونخلطه عدل وبعدين نضيف الماي بالتدريج ونعجنه ونضيف باجي الطحين بالتدريج ( انا احتجت بس ربع كوب زياده )
بتشوفون بعد جم دقيقه عجن بتصير كره مطاطيه نحطها بطاسه ممسوحه بالزيت ونخليها تخمر التخمير الاولي وانا خذت مني تقريبا 40 دقيقه



بعدين نشكلها حسب الرغبه او نسويها رول ونحطها بقالب التوست واذا تحبون بالسكين نحزها بالويه ونغطيها بفوطه ونخليها تخمر التخمير الثاني تقريبا نص ساعه وبعدين ندخلها الفرن حار مسخن بدرجه حراره 200 وندخلها الفرن لين تتحمر وتنضج .. اما تاكلونها على طول او تغطونها بفوطه عشان لا تيبس وتتركونها تبرد وبالف عافيه


7 thoughts on “خبز الزيتون والاعشاب

  1. يقول bent el deera:

    شاي الضحى **********الله يسلمج حبيبتي :>وحبتج العافيه جربيها عاد سهله واذا مالج خلق اسويها لج من عيوني :>candy cotton**************مرورج وتعليقج عندي الاروعحياج الله حبيبتي :>

  2. يقول Anonymous:

    ريحتها تخبّل توني مدخلتها الفرن وانتظرها على احر من الجمر بس أنا ظفت روزماري مع المقادير حبيت اكسبها نكهه إيطاليه والمره اليايه بجربها بس بطحين اسمر لزوم الرجيم ويسلموو عالبلوق الممتع

  3. يقول bent el deera:

    غير معرف*********حياتي عليكم بالف عافيه وتسلم الايادياتمنى الوصفه تكون عجبتكمواضافه الروزميري فكره مذهله :>حياج الله دوم :>

  4. هذي الطريقه تستحقين عليها وسام صراحه .. شي مو طبيعييي .. لذه وطراوه ومكس عجيبب بالنكهاات .. سويتها مره من فتره على العشا مع شوربه العدس .. شي عجيييب .. مايتفوت خصوصا بالشتاء والجو البارد

    • يقول bent el deera:

      عوافي على قلبج حبيبتي :>

      وفعلا هالخبز شتوي وينفع مع التغميسات
      هني وعافبية :****

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s