هالصمون… وايد حلو وهش وفيه تويست حلو… كالعاده انا خلطت طحين اسمر وابيض وتقدرون تسوونه بنوع واحد وتقدرون تحطون معاه الوان ويصير لكم ملون … تعلمت شغله وهي اذا حبيتو تكون للصمونه قشره رشوها بماي وهي بالفرن ورح تتكون لكم قشره خفيفه على الخبزة :>
الحين التويست اللي فيها ان بالعجينه بتكون من ضمن المقادير بودره بطاط مجفف ولان هالعلب ما تخلا من بيتنا سويتها … و هذي صورته وفي نوع ثاني مكتوب عليه ايداهو هم حلو
بسم الله نبتدي
المقادير:
ملعقه او قفشه كبيره سكر
كوب وربع ماي دافي
قفشتين او ملعقتين كبار زيت زيتون
قفشتين او ملعقتين صغار خميره حبيبات مجففه او قفشتين وربع صغار خميره فوريه
3 اكواب طحين عادي وتقدرون تستخدمون طحين خبز ( خلطت اسمر وابيض بالنص )
نص كوب بودره بطاط مجفف
قفشه ونص صغيره ملح
ندخلها فرن درجه حرارته 200 حوالي ربع ساعه او لين تتحمر وبالف عافيه
My Kitchen 
ماشالله عليج تسلم ايدج كل مقاديرج ذكيه ومضبوطه ودي تجربين خبز الشيدر الي سوته بيرفوت كونتيسا مع الكورن ميل انا شريت المقادير بس اني فاشله في العجين
يعطيج العافية :)ماجربت اسوي عجينة العادة اخذها ياجاهزة او احد مسويها وانا احشيها و اسخنها ..بس اذا ابي تطلع الصمونة مرتبة لول كوني ماعرف شلون يطلون مجكلمين كل واحد شكل :/تهقين استخدم صينية المافن عشان يطلعون نفس الحجم ولا ما ينفع ..؟
reem*****حبيبتي مشكوره على الكلام الذوق :>وان شاء الله من عيوني بس انتي حابه اي واحد فيهن اللي فيه شبنت وجبن ولا جبن وهلابينو وبصل اخضر ؟؟Lotus******هلالالالا بالعزيزة الغاليه نورتي البلوق حبيبتي :*****بالنسبه للصمونه ما جربت احطها بصينيه المفن بس اتوقع بتطلع اوكيانا اقسمها ارباع ومن كل ربع اقص 3 ويطلعون لي تقريبا نفس الحجم اكورهم كلهم واحطهم بالصينيه ومع التخمير الثاني ينتفش شكلها ويترتب :>حبيبتي منووره :***
مشكوره على ردج وتسلم عيونج انا كنت اقصد الخبز الي مع بصل اخضر وشيدر احسها بتضبط وياج انا شريت الكورن ميل من مركز سلطان لان موموجود في الجمعيات
reem*****العفو حبيبتي وان شاء الله اسويه هالجم يوم.. انا عندي طحين الذرة الابيض اتوقع ينفع :>
يعطيكم ألف عافية على هالأكلات اللذيذة والطبخات الحلوه
مشكورين وبيض الله ويوهكم على الأكلاات اللي أكثر من روعه يزاكم الله ألف خير / أختكم أم حمد
غير معرف*********الله يعافيج عزيزتي :>وحياج الله ام احمد *******حياج الله اختيومشكوووووره على الحجي الذوق ما تقصرين :***
غير معرف*********الله يعافيج عزيزتي :>وحياج الله ام احمد *******حياج الله اختيومشكوووووره على الحجي الذوق ما تقصرين :***