صمون اسمر صحي بعجينه البطاط

 

 هالصمون… وايد حلو وهش وفيه تويست حلو… كالعاده انا خلطت طحين اسمر وابيض وتقدرون تسوونه بنوع واحد وتقدرون تحطون معاه الوان ويصير لكم ملون … تعلمت شغله وهي اذا حبيتو تكون للصمونه قشره رشوها بماي وهي بالفرن ورح تتكون لكم قشره خفيفه على الخبزة :>


الحين التويست اللي فيها ان بالعجينه بتكون من ضمن المقادير بودره بطاط مجفف ولان هالعلب ما تخلا من بيتنا سويتها  …  و هذي صورته وفي نوع ثاني مكتوب عليه ايداهو هم حلو

بسم الله نبتدي


المقادير:
ملعقه او قفشه كبيره سكر
كوب وربع ماي دافي
قفشتين او ملعقتين كبار زيت زيتون
قفشتين او ملعقتين  صغار خميره حبيبات مجففه  او قفشتين وربع صغار خميره فوريه
3 اكواب طحين عادي وتقدرون تستخدمون طحين خبز (  خلطت اسمر وابيض بالنص  )
نص كوب بودره بطاط مجفف
قفشه ونص صغيره ملح

الطريقه:
نخلط الطحين مع الملح وبودره البطاط مع بعض
نخلط الماي مع الشكر والخميره ونخليها لما تفور 10 دقايق وبعدين نضيف لها الزيت واذا كنتو تستخدمون الخميره الفوريه خلطوهم كلهم مره وحده وضيفو عليهم الطحين بالتدريج لين تتكون عجينه طريه وخلوها تعجن 5-10 دقايق بالعجانه
حطوها بطاسه ممسوحه بالزيت وغلفوها لمده ساعه  حتى تخمر التخمير الاولي
بعدين قطعوها وشكلوها كرات وحطوها بصينيه الفرن  ممسوحه بالزيت وغطوها للتخمير الثاني واذا تبونها ليوم ثاني غلفوها بنايلون وخلوها بالثلاجه تخمر الي ثاني يوم بس قبل لا تدخلونها الفرن طلعوها قبل بربع ساعه عشان تكون بحراره الغرفه وترد تنفش مره ثانيه
قبل الخبز بالفرن نمسح ويهها بباض البيض مخلوط مع قفشه صغيره ماي

ندخلها فرن درجه حرارته 200 حوالي ربع ساعه او لين تتحمر وبالف عافيه

10 thoughts on “صمون اسمر صحي بعجينه البطاط

  1. يقول reem:

    ماشالله عليج تسلم ايدج كل مقاديرج ذكيه ومضبوطه ودي تجربين خبز الشيدر الي سوته بيرفوت كونتيسا مع الكورن ميل انا شريت المقادير بس اني فاشله في العجين

  2. يقول Lotus:

    يعطيج العافية :)ماجربت اسوي عجينة العادة اخذها ياجاهزة او احد مسويها وانا احشيها و اسخنها ..بس اذا ابي تطلع الصمونة مرتبة لول كوني ماعرف شلون يطلون مجكلمين كل واحد شكل :/تهقين استخدم صينية المافن عشان يطلعون نفس الحجم ولا ما ينفع ..؟

  3. يقول bent el deera:

    reem*****حبيبتي مشكوره على الكلام الذوق :>وان شاء الله من عيوني بس انتي حابه اي واحد فيهن اللي فيه شبنت وجبن ولا جبن وهلابينو وبصل اخضر ؟؟Lotus******هلالالالا بالعزيزة الغاليه نورتي البلوق حبيبتي :*****بالنسبه للصمونه ما جربت احطها بصينيه المفن بس اتوقع بتطلع اوكيانا اقسمها ارباع ومن كل ربع اقص 3 ويطلعون لي تقريبا نفس الحجم اكورهم كلهم واحطهم بالصينيه ومع التخمير الثاني ينتفش شكلها ويترتب :>حبيبتي منووره :***

  4. يقول reem:

    مشكوره على ردج وتسلم عيونج انا كنت اقصد الخبز الي مع بصل اخضر وشيدر احسها بتضبط وياج انا شريت الكورن ميل من مركز سلطان لان موموجود في الجمعيات

  5. يقول bent el deera:

    reem*****العفو حبيبتي وان شاء الله اسويه هالجم يوم.. انا عندي طحين الذرة الابيض اتوقع ينفع :>

  6. يقول Anonymous:

    مشكورين وبيض الله ويوهكم على الأكلاات اللي أكثر من روعه يزاكم الله ألف خير / أختكم أم حمد

  7. يقول bent el deera:

    غير معرف*********الله يعافيج عزيزتي :>وحياج الله ام احمد *******حياج الله اختيومشكوووووره على الحجي الذوق ما تقصرين :***

  8. يقول bent el deera:

    غير معرف*********الله يعافيج عزيزتي :>وحياج الله ام احمد *******حياج الله اختيومشكوووووره على الحجي الذوق ما تقصرين :***

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s